КіруҮКІМЕТТІК ЕМЕС ҰЙЫМДАРМЕН ЖҰМЫС ЖАНДАНАДЫ
Орал қаласы әкімдігі жанындағы кәмелетке толмағандардың істері және олардың құқықтарын қорғау жөніндегі комиссияның кезекті отырысында аталмыш комиссияның үкіметтік емес ұйымдармен өзара іс-қимылы талқыланды.
Зашағандағы №5 кітапхана базасында өткен комиссия отырысына қала әкімінің орынбасары Бақытжан Нарымбетов төрағалық етті. Алдымен маусым-тамыз айлары аралығында «Назар аударыңыз: демалыс!» акциясының ұйымдастырылуына белсене қатысқандар марапатталды. Бақытжан Хаберұлының мәліметінше, акция аясында үш айда 77 шара ұйымдастырылып, 50 мыңнан астам бала мен ата-ана қамтылған.
Комиссия төрағасы Бақытжан Нарымбетов комиссия жұмысында үкіметтік емес ұйымдардың тәжірибесімен бірлесе жұмыстанудың маңыздылығына тоқталды. Мәселен, 2012 жылы елімізде «Ана үйі» қоғамдық қоры жұмысын бастаған болатын. Қор алғашқы жобасын аналардың өз балаларынан бас тартуының алдын алудан бастаған болса, 2016 жылы екінші жоба қолға алынды. Бұл – бала асырап алуды қолдау орталығының ашылуы. Биыл VIII азаматтық қоғам форумында «Аналар үйі» қоғамдық қорының басшысы Айдын Рахымбаев бала асырап алу жөніндегі ұлттық агенттік құру туралы ұсыныс беріп, бұл ұсынысты Елбасы қолдап, тиісінше тапсырма берді. Комиссия отырысында облысымыздағы «Ана үйі» бала асырап алуды қолдау орталығы қоғамдық қорының үйлестірушісі Рима Көбейсінова жаңадан құрылған бала асырап алу жөніндегі ұлттық агенттіктің жетімдіктің алдын алу және балалардың құқықтарын қамтамасыз ету тетігінің құрамдас бөлігі екенін атады.
– Біздің мақсатымыз – әлеуметтік жетімдіктің алдын алу. Біріншіден, балалары бар дағдарыс жағдайына тап болған отбасыларға психологиялық, құқықтық көмек көрсету. Жұмысымыздың екінші бағыты – отбасына бала қабылдауға ниеттенген жанұяларға құқықтық, психологиялық қолдау беру. Биыл орталығымызға 57 үміткер өтініш беріп, оның 38-і психологиялық көмекпен қатар орталықтың қызметін алды. Психологиялық көмек отбасының баланы қабылдауға дайындығын анықтауға септігін тигізеді. Егер отбасы дайын болмай, баланы қабылдаған болса, баланың екінші мәрте жетімдікке тап болуына әкелуі мүмкін. Өкінішке орай, мұндай жағдайлар кездесуде, – дейді Рима Кәкенқызы.
Бүгінде орталықта «Асырап алушы ата-ана мектебі» жұмыс жасайды. Енді қажеттілікке орай толық отбасындағы ата-аналарға заңгерлік және психологиялық көмек көрсету курстарын ашу жоспарлануда.
Кәмелетке толмағандардың суицидтік мінез-құлқының алдын алу да өзекті күйде. Еліміз егемендік алған жылдар ішінде 106 мың қазақстандық өздерін өлімге қиған екен. Жүргізілген зерттеулер адамдардың өздерін жалғыз сезінгендіктен, суицидке баратынын көрсеткен. Дүниежүзілік денсаулық сақтау ұйымының мәліметінше, өзін өлімге қиятындардың көпшілігі 15-29 жастағылар болып отыр. Биылғы жылдың алты айында облыста 23 суицид жағдайы орын алып тіркеліп үлгерген екен. Оның сегізі суицидке оқталу болса, 15 жағдай өліммен аяқталған. Бұл мәселеге қатысты өңірімізде айналысып отырған «Ақ отау» отбасы орталығы» қоғамдық бірлестігінің жетекшісі Алтынай Есқалиева жоба аясында жасөспірімдермен және ата-аналармен жасалып жатқан жұмыстар туралы айтып, ата-аналардың өз балаларына ұдайы көңіл бөліп, бақылауда ұстауы қажеттілігін жеткізді.
Сондай-ақ педагогикалық еңбек ардагері, комиссия мүшесі Александр Мазжухин «Жас отбасы» жобасының өңірде жүзеге асуы туралы баяндады. Аталмыш жоба болашақ отбасылар мен жас отауларға көмек көрсетуге бағытталған. Ол кеңес беру, оқыту, осы санаттағы адамдардың бос уақыттарын ұйымдастыру арқылы жүзеге аспақ. Жобаға кәсіби психологтар, медицина мамандары, заңгерлер және медиаторлар тартылған. Қалалық ішкі саясат бөлімінің бас маманы Анаргүл Сисенованың айтуынша, қазіргі уақытта АХАЖ бөлімі мен №2 қалалық соты некеге тұруға өтініш берген жұптармен профилактикалық жұмыстарды жүргізуде. Әр сейсенбі мен бейсенбі күндері кездесулер ұйымдастырылып, семинар-тренингтер өткізіліп келеді. Отбасы құндылықтарын насихаттау, ата-ананың қамқорлығынсыз қалған тұлғаларды қоғамдық өмірге тарту, жас отбасын қалыптастыру мектебі сынды жобалар да сәтті жүзеге асып келеді. Бұдан бөлек комиссия отырысында қалалық «ұлттық мектеп лигасы» туралы баяндалды.
Елмұра Асхатқызы
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу