КіруКЕЗЕКТЕН ТЫС КОНФЕРЕНЦИЯ ӨЗ ЖҰМЫСЫН БАСТАДЫ
Дәл қазір Батыс Қазақстан облысында «Nur Otan» партиясы облыстық филиалының кезектен тыс XXVI конференциясы басталды. Конференция отырысына партияның облыстық филиалы төрағасы, өңір басшысы Ғали Есқалиев төрағалық етуде.
Айта кетейік, «Nur Otan» партиясының кезектен тыс конференциясының өкілеттілік нормасына сәйкес, 128 делегат сайланған болса, аталған басқосуға соның 124-і қатысуда.
Сондай-ақ конференция жұмысына «Nur Otan» партиясы аудандық, қалалық филиалдарынан сайланған делегаттар мен бұқаралық ақпарат құралдарының өкілдері қатысып отыр.
«Nur Otan» партиясы Батыс Қазақстан облыстық филиалының кезектен тыс конференциясыңың күн тәртібінде «Nur Otan» партиясының Батыс Қазақстан облысы бойынша сайлауалды бағдарламасын бекіту, ҚР Парламентінің Мәжілісіне дебат қорытындысы бойынша кандидаттарға дауыс беру мәселелері қаралатын болады. Сонымен қатар «Nur Otan» партиясынан облыстық мәслихат депутаттарын сайлау бойынша партиялық тізімді бекіту, аталған партияның кезектен тыс ХХ Съезіне делегаттарды сайлау мен өзге де мәселелер конференцияның күн тәртібіне енген.
-Еліміздің Тұңғыш Президенті – Елбасымыз Нұрсұлтан Әбішұлы Назарбаевтың бастамасымен тәуелсіз еліміздің тарихында биыл алғаш рет жалпы ұлттық деңгейде өткен праймеризге белсенді түрде қатысып, атсалыстыңыздар. Праймеризге қатысуға көзі ашық, көкірегі ояу, санасы биік, өзіндік идеясы бар, жаңа көзқарастағы азаматтар шешім қабылдады деп ойлаймын. Партияішілік іріктеу – барша қатысушыларға тең мүмкіндік берді. Праймеризге кәсіпкерлер, ұстаздар, дәрігерлер, құрылысшылар, үкіметтік емес ұйым, бұқаралық ақпарат құралдары секілді түрлі саланың мамандары мен өкілдері қатысты. Осы орайда жастар мен әйел адамдардың белсенділігін атап өткен абзал. Батыс Қазақстан облысы бойынша праймеризде 460 кандидат тіркеліп, 421 кандидат қатысты. Оның ішінде 155-і әйел (36,8 %), 144-і (34,2 %) 35 жасқа дейінгі жастарды құрады. Төрт күнге созылған дауыс беруде облыстың 22 903 партия мүшесі немесе 85% дауыс берді. Осы аралықта облыс тұрғындарынан 1205 ұсыныс түсті. Оның 77% -ы облыс, қала мен аудандық партия филиалдарының сайлауалды бағдарламасына енгізілді,-деді облыс әкімі, филиал төрағасы Ғали Есқалиев.
Батыс Қазақстан облыстық
«Nur Otan» партиясы филиалының баспасөз қызметі
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу