КіруӘКЕЛІ-БАЛАЛЫ ҚЫЛМЫСКЕРЛЕР
Есірткі тектес тыйым салынған өсімдік түрлерін өсірген әкелі-балалы Полянскийлер 10 жылға бас бостандығынан айрылды. Үкімді бүгін БҚО қылмыстық істер бойынша ауданаралық мамандандырылған сотында судья Бақыт Ермаханов оқыды.
Анықталғандай, 34 жасар Николай Полянский мен оның 59 жасар әкесі Владимир Полянский Бәйтерек ауданындағы Сапартак ауылы Быковка өзенінің жағасындағы көптің көзіне іліне бермейтін үлкен аумақта көкнәр мен қарасора өсімдіктерін өсіріп, 32 келі кеппеген және 8 келі кепкен өнім жинаған. Тергеу барысында Николай Полянский аталған есірткі затын «жеке басты қанағаттандыру мақсатында өсірдім» деп ақталмақ болған. Алайда, бұл салмақтағы есірткі заты аса көп мөлшердегі улы зат болып болып табылады. Сонымен қатар айыптылардың үйлерін тінту барысында дайын өнімді салуға арналған арнайы құтылар табылған. 1986 жылы туған Н.В. Полянский Қылмыстық кодекстің 300-бабының екінші бөлімі, 297-бабының үшінші бөлімі бойынша кінәлі деп танылып, 11 жылға кесілсе, 1961 жылы туған В.В.Полянский Қылмыстық кодекстің 28-бабы 5 бөлімі, 300-бабының екінші бөлімі, 297-бабының үшінші бөлімімен кінәлі деп танылды.
Енді сыьайлас әкелі-балалы қылмыскерлер бұл әрекеттері үшін 10 жыл бойы тар қапаста жазаларын өтейтін болады.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу