КіруКедендік бекеттегі кептеліс
Ресей федерациясының Орынбор облысы тұсындағы кедендік шекара бекетіндегі жол жөндеу жұмыстарына орай «Маштакова» халықаралық автомобиль өткізу пункітінің тұсында 200-ден аса жүк көліктері кептелісте тұр.
БҚО мемлекеттік кірістер басқармасы мамандарының таратқан ақпаратына сүйенер болсақ, көрші ел аумағындағы жол жөндеу жұмыстары осы айдың аяғына дейін жалғасады. Кептеліс сол себепті туындаған.
Бұған дейін кедендік бекетте тұрған көліктерді бақылау және тексеру жұмыстары автоматты жүйе арқылы жүзеге асырылса, енді бұл шара аппаратсыз қадағаланады, қызметкерлер әр техниканы көзбен тексереді. Сондықтан тексеру уақыты ұзарады.
Бір айта кетерлігі мамандар құрылыс мерзімінің нақты межелі уақытын дөп басып айта алмағандықтан өзге өткізу пункіттер қызметін пайдалануды ұсынып отыр. – «Ақсай», «Шаған» және «Тасқала» автомобиль пункттерінің жүк өткізу мүмкідіктері бар. Бұл жөнінде кірістер департаментінің қызметкерлерімен бірлесе жүргізушілерге хабарланды,- деді БҚО МКД бас маманы Алтынай Әлиханқызы.
Айнара ИСА
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
