КіруКӘСІПКЕРДЕН СЫЙ
Оралдық кәсіпкер Ұлыстың ұлы күні Наурыз мерекесінде тұтынушыларына жеке қорғану құралдарын тегін таратты.
Орал қаласы «Жұлдыз» шағынауданындағы «Дулат» дүкені қожайыны Нұрлан Сәденовтың жыл сайын шағынаудан тұрғындарына Наурыз, Жаңа жыл мерекелерін ұйымдастырып, аудан тұрғындарының жарасымды бірлігі мен татулығына ұйытқы болып жүргенін бұдан бұрын да жазған болатынбыз. Бұл жолы жеке кәсіпкер Ұлыстың Ұлы күнінде сауда орнына келушілер мен көрші-көлемдеріне Наурыз-көже мен бауырсақ ұсынып қана қоймай, медициналық маскалар мен антисептикалық заттарды тегін таратты.
– Биыл шағын дүкенімізге он жыл толып отыр. Біздегі азық-түлік тауарларының бағасы жұртшылыққа қолайлы. Әр мереке сайын түрлі мерекелік сыйлар жасауды әдетке айналдырдық. Қазіргі таңда да елмен бірге екенімізді көрсетудеміз, – дейді дүкен иесі Тұрсын Төлеутаева.
Елдегі төтенше жағдайға байланысты Жақсылық жасап жарысқан жеке кәсіпкерлер Нұрлан мен Тұрсынның игі істері өзгелерге үлгі Һәм жалғасты болсын!!!
Соңғы жаңалықтар
«Су тасқынынан зардап шеккендерге өтемақы төлеуде жеделдік қажет»
Батысқазақстандық полиция қызметкерлеріне гуманитарлық көмек жіберілді
Пікір үстеу