КіруЭТНОАУЫЛДА ҰЛТТЫҚ ДӘСТҮР ЖАҢҒЫРДЫ
Шаһар күні қарсаңында Оралдағы тұңғыш Президент алаңында «Рухани жаңғыру» бағдарламасы аясында «Ақжайық этноауылы» ұлттық мәдени кешені ұйымдастырылды. Ұлттық құндылықтарды ұлықтаған этноауылды қала тұрғындары 10 күн бойы қызықтай алады.
Этнооауылда қала және аудан орталықтарының киіз үйлері тігіліп, әр түрлі алаңдарға бөлінген. Ұлттық нақыштағы шаралар мен ақшаңқай киіз үйлерді көп жағдайда наурыз мерекесі қарсаңында көретін жұртшылықтың бұл жолғы таңданысында шек болмады. Қазақы дәстүрімізден сыр шертетін ұлттық бұйымдардан бөлек, талайды таңқалдырған Тақсай ханшайымының да бейнесі осы этноауылдан табылды.
– Бүгіннен бастап 15 қыркүйекке дейін Тұңғыш Президент алаңында «Ақжайық» этноауылы бой көтеріп отыр. Бұл жерде түрлі концерттік бағдарламалар, ұлттық ойындар және өзге де шаралар жоспарланған. Жағалай киіз үйлер құрылып, алтыбақан орнатылды. Мақсатымыз – ұлттық салт-дәстүрлерімізді насихаттау. Музейіміз өздерінің композицияларын көрсетеді, – деді этноауылдың ашылу салтанатында сөз алған қала әкімінің орынбасары Бақытжан Нарымбетов. Одан әрі Ғ.Құрманғалиев атындағы облыстық филармониясының Дәулеткерей атындағы қазақ халық аспаптары оркестрінің концерттік бағдарламасымен жалғасты. Әсіресе, мұнда «Өрнекті өнер» ұлттық қолданбалы өнер бұйымдары жәрмеңкесін, сәндік қолданбалы өнер шеберханасын тамашалаушылар көп. Енді бір шетте «Алтын сақа» ұлттық ойындар сайысына қатысып, мәре-сәре болған балалар. Ал «Жәдігер» жылжымалы мұражай композициясы алыстан «мен мұндалап», көпшілікті еріксіз өзіне баурап алуда. Сондай-ақ көшпелі кітапхана да осы ауылда. Алдағы күндері Ақжайық өңірі ақындарының оқулары, көрермендер арасында «Абай оқулары» өтеді деп күтілуде. – Бүгінгі шараны тамашалау үшін немерелеріммен арнайы келіп отырмын. Осы алаңда өткізілетін мәдени шараларды үнемі келіп көремін. Мұндай шаралар қала халқы мен ауыл-аймақтағы тұрғындарды жақындастырады. Қаланың балалары осындай іс-шаралар арқылы ауылдың тұрмыс-тіршілігін, жай-күйін көріп, танысады, – дейді Жұлдыз шағынауданының тұрғыны Күләш Биғазиева. Бүгін ұлттық мәдени кешеннің ашылуында Бөрлі және Бөкейордасы ауданының қолөнер шеберлері өз өнімдерін ұсынды.
Кәусар БАЙҒАЛИЕВА
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу