КіруӘЙЕЛДЕР ВОЛЕЙБОЛ ОЙНАДЫ
Ел Тәуелсіздігінің 30 жылдығына орай «Орал жастары» іс-шаралар легін жалғастыруда. Кезекті шара – әйелдер арасында ұйымдастырылған «Спорт – сенің серігің» тақырыбы таңдалған волейбол ойыны.
Шараны жастармен жұмыс жөніндегі ресурстық орталықтың жастарға қызмет көрсету бөлімі ұйымдастырды. Жастарға қолдау көрсету, қоғамға бейімдеуде мақсатты топтармен жұмыс жасайтын бөлім бұл жолы ойынды әйел жамағатының қатысуымен өткізді.
Бөлім басшысы Алма Төлепқалиева атап өткендей, әйел жамағатының қатысуымен жаздыгүні спорт жарысы өткізілген. Белсенділік танытқан әйелдер қауымы екінші мәрте волейбол ойынында бас қосты.
Ойыншыларды әйелдер жамағатымен тұрақты жұмыс жасап жүрген облыстық мәслихат депутаты Шаттық Өтебалиева мен ұстаз Назгүл Данаева қолдап келді.
Ойын нәтижесінде бірінші орынды “Алға” командасының арулары иеленсе, жүлделі екінші орынды “Барыс” тобының қатысушылары қанжығалады. Ал үздік үштікті “Баракат” командасы түйіндеді.
Жеңімпаздар мен үздік ойыншыларға ұйымдастырушылар тарапынан сыйлықтар ұсынылды.
Елмұра АСХАТҚЫЗЫ,
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
Пікір үстеу