КіруЭКСТРЕМИСТІК МАТЕРИАЛДАР ЖАРИЯЛАҒАН ЖЕТІ АДАМҒА АЙЫППҰЛ САЛЫНДЫ
2019 жылы Батыс Қазақстан облысы бойынша діни қарым-қатынастар саласында 16 заңбұзушылық фактілері тіркелген. Бұл туралы бүгін өңірлік коммуникациялар қызметінің ақпарат алаңында өткен баспасөз мәжілісінде айтылды.
Заңбұзушылықтардың төртеуін Батыс Қазақстан облысының дін істері басқармасы анықтаған. 12 іс БҚО полиция департаменті тарапынан қозғалған. Биылдың өзінде полиция департаменті 2 әкімшілік құқық бұзушылық істі анықтап үлгерді.
– «Інжілдік-мәсіхші баптистері Одағына» тіркеусіз миссионерлік қызметті жүргізіп отырғандары үшін үш мәрте және діни әдебиетті рұқсатсыз таратқандары үшін бір рет әкімшілік хаттама толтырылды. Сондай-ақ ҚР аумағында тыйым салынған экстремистік материалдарды өз әлеуметтік парақшаларында орналастырғаны үшін 7 жеке тұлғаға айыппұл салынды, – дейді БҚО дін істері басқармасының бас маманы Жәнібек Мұқателов.
Әкімшілік құқықбұзушылық туралы Кодекстің 453-бабы 2-тармағында көрсетілгендей, ҚР аумағында тыйым салынған экстремистік материалдарды жариялаған жеке тұлғаға 20, лауазымды 25 АЕК мөлшерінде айыппұл салынады.
Басқарма өкілі бұл бағытта қоғамда түсінік жұмыстары жүргізіліп, әлеуметтік желілер бақылауға алынғанын жеткізді.
Эльмира НҰҒМАНОВА
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу