КіруҰЯЛЫ ТЕЛЕФОНҒА ТҮСКЕН СЫЙ
Белгісіз біреулер БҚО Білім басқармасының басшысы мен орынбасарына ұялы телефондарының баланстарын толтырып, сый жасаған.
БҚО сыбайлас жемқорлыққа қарсы қызмет департаменті басшысының орынбасары Нұрдәулет Сәметтің мәліметінше, 5 наурыз күні БҚО білім басқармасы басшысының орынбасары Н.Ғабдушевтің ұялы телефонының балансына 5000 бірлік түскен. Дәл осындай сый басқарма басшысы А.Тржановаға да келген. Оған 10 наурыз күні 2000 бірлік көлемінде баланс түсіпті. ҚР «Мемлекеттік қызмет» туралы заңында көрсетілгендей, мемлекеттік қызметші мемлекеттік қызметті атқару кезінде өзіне келген сыйлықтарды Мемлекеттік мүлік және жекешелендіру департаментіне тапсыруы керек. Қолданыстағы осы заңнамаға сәйкес мемлекеттік қызметшілер тосыннан келген сый туралы өздері хабарлап, өз еріктерімен аталған сомаларды қорға қайтарған.
– Ақшаны аударған тұлғалардың белгісіз болуына байланысты әкімшілік және қылмыстық істер тіркелген жоқ. Өздерінің парасаттылығын көрсеткен мемлекеттік қызметшілерге біз алғысымызды білдіреміз, – деді Нұрдаулет Сәмет.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Пікір үстеу