КіруГермания Қазақстан жобаларына инвестиция құяды
Германия Қазақстан жобаларына инвестиция құяды. Мемлекет басшысы Герменияға ресми сапармен ұшып барды. Берлинде Федералдық Канцлер Олаф Шольцпен жолықты. Тараптар саяси, экономикалық байланыстарды талқылады. Қасым Жомарт Тоқаев бүгін ертең іргелі жиындарға қатыспақ.
Асима Нұрбайқызы, тілші: Дәл қазір Қасым Жомарт Тоқаевты Германия Федералдық Канцлері Олаф Шольц қарсы алып жатыр. Германия билігі үшін бұл саясатта салмағы басым тұлға. Өйткені, мемлекеттік мәселелерді шешетін де, саясаттың негізгі бағыттарын айқындайтын да осы канцлер.
Германия – әлемдегі экономикасы ең мықты елдердің қатарында. ЖІӨ көлемі бойынша төртінші орыннан түспей келеді. Өнім өндіріп, экспорттаудан да негізгі үштікте. Сондықтан кәрі кұрлықтағы бұл мемлекетпен байланыс орнатуға көп ел бейіл. Германияның Орталық Азия аймағында сыртқа саудасының дені біздің елге тиесілі – 80%-дан асады
Былтыр екі ел 2.76 млрд долларға сауда жасаған. Мемлекеттік кірістер комитетінің мәліметі бойынша биылғы 7 айда өзара сауда-саттық 2 млрдтан асты. Яғни, алыс берісті еселеу межесіне қос тарап та мүдделі.
Мемлекеттер басшылары әуелі екеуара жолықты. Кейін байланысты жандандыру тетіктерін кеңейтілген құрамда қаузап, келіссөздердің жай- жапсарын бірлескен мәлімдемеде жеткізді.
Қазіргі геосаяси жағдайға байланысты Германия мұнай газға тәуелді. Сондықтан Қазақстан қара алтын экспортын арттырады. Негізгі келісімнің бірі осы. Одан соң логистика. Транскаспий әлеуетін арттыру мәселесі қаралды. Мемлекет басшысы неміс қаржы институттарын Қазақстанға шақырды. Әрі сапар аясында жаңа инвестициялық келісімдерге қол қойылатынын айтты. Ал Олаф Шольц Германия қазақстандық жобаларды қаржыландыруға дайын екенін айтты. Осылайша тараптар көп саладағы ықпалдастықты жандандыруға уағлаласты.
Бекжан Садықов, ҚСЗИ еуропалық және америкалық зерттеулер бөлімінің басшысы:
Соңғы 2 жылда Қазақстан мен Германия қатынасы қарқын алғанын көріп отырмыз. Ал қазіргі сапар байланысты тағы да тереңдете түсетіні түсінікті. Оның үстіне 3 ай бұрын Германия президенті Астанаға келіп кетті. Сондықтан алыс-берістің номенклатурасы жаңарады деп ойлаймын. Әрі жаңа институттар ашу мәселесі өзекті.
Қасым Жомарт Тоқаев Берлинде екі күн болады. Ресми сапар аясында жоспарланған шаралардың саны да салмағы да ауқымды. Дәл қазір Берлин Глобал Диалог форумында сөз сөйлеп жатыр. Одан кейін Германия Федералдық Президентімен келіссөз жүргізеді. Ал ертең Орталық Азия Германия мемлекеттері басшыларының жиынына қатысады. Әрі Германияның іскерлік қоғамдастығы өкілдерімен бірқатар кездесу өткізеді деген жоспар бар.
Дереккөз: qazaqstan.tv
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
