КіруЕСІРТКІГЕ ҚҰМАР ЖАНДАР АРАСЫНДА СПИДКЕ ШАЛДЫҚҚАНДАР КӨП
Облыста СПИД-ке шалдыққандардың дені ауруды инекциялық жолмен жұқтырған. Жүре біткен иммундық тапшылық синдромы дерті бізде ғана емес, әлем бойынша ең қауіпті, әрі қорқынышты аурулардың алдыңғы тізімінде тұр. ЖИТС-пен күрес орталығы мамандарының айтуынша, аты жаман бұл дертке шалдыққандардың дені 20-39 жас аралығындағылар. Демек, тепсе темір үзер, белгілі бір кәсіптің тұтқасынан ұстар жандар.
Аталмыш дертке шалдыққандарға ем-дом шаралары үшін мемлекет тарапынан қыруар қаржы бөлінеді. Десек те, науқастардың толық айығуына мүмкіндік әлі де болса жоқ. Бұл әлем елдерін алаңдатып отырған күрделі жәйт. «Облыстық ЖИТС-пен күрес орталығы» директоры Алмагүл Мантақованың айтуынша, елімізде 20 мыңнан аса адам осы ауруға шалдықса, 1996 жылдан бері облыста 700 -ден аса адам дертті жұқтырған. Алдағы он жылдықта бұл цифрлар 25 мыңға жетуі ықтимал. Өйткені XX ғасырдың індеті атанған СПИД төңірегіндегі қорқыныш әлі сейілер емес. Яғни осы ғасырда оның емі табылуы неғайбыл. Жұқпаның таралуы есірткіге құмар жандар арасында да көп тіркеліпті. Яғни жыл басынан бері 62 адамның тең жартысы нашақорлар арасында тіркеліп отыр. Осы жылдар ішінде облыс бойынша 700 адам осы ауруды жұқтырса, қазіргі таңда науқастардың 500-дейі қалыпты тіршілік кешіп жатыр. Әрине, олар үнемі дәрігердің бақылауында. Бұл орайда дәрігерлер және білім бөлімінің мамандары жастарды қатерден арашалау мақсатында дұрыс ақпараттар беріп, түсінік жұмыстарын жүргізуде.
Айнара ИСА,
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу