КіруҒ.ЕСҚАЛИЕВ: «ЖҮРГІЗУШІЛЕРДІҢ КӨЛІК ЖҮРГІЗУ МӘДЕНИЕТІН ҚАЛЫПТАСТЫРМАЙ, ЖОЛ-КӨЛІК ОҚИҒАЛАРЫН АЗАЙТУ МҮМКІН ЕМЕС»
Бүгін, 20 ақпан күні халықпен онлайн есептік кездесуінде БҚО әкімі Ғали Есқалиев облыста жол қауіпсіздігін қамтамасыз ету бағытындағы жұмыстар туралы баяндады.
– БҚО-да жол инфрақұрылымына қомақты қаражат бағытталып, жолдар жөнделуде. Орал қаласында, аудандарды бейнебақылау, жылдамдықты өлшеу құралдары орнатылуда. Алайда, жүргізушілер арасында көлік жүргізу мәдениетін қалыптастырмай, жол-көлік оқиғаларын азайту мүмкін емес. Әр жаяу жүргінші мен көлік жүргізушісінің жауапкершілігі артында адам өмірі мен тағдыры тұрғанын түсінуіміз керек, – деді Ғали Есқалиев.
Сондай-ақ жолда малдардың қатысуымен болатын апатты жағдайлар да жиі тіркеліп отыр. Осы ретте бірқатар шаралар қолға алынған. Мәселен, өткен жылы облыс аудандарында қараусыз жүрген малдарды қамауға арналған қоршаулар дайындалып, 1500-нан астам мал иелеріне ескерту беріліп, 125 адамға айыппұл салынды. Нәтижесінде қараусыз жүрген малдардың қатысуымен болған жол апаттарында жарақат алғандар саны 60 пайызға төмендеді.
Бүгінде Орал қаласында 200 бейнекамера, 40 жылдамдықты өлшеу құралдары және 14 жол қиылысына зияткерлік басқару жүйесін орнату басталды. Жол жиегіндегі жарық шамдарын орнату бойынша жұмыстар атқарылды. Облыс бойынша 21 мыңға жуық жарық шамдары орнатылса, соның ішінде 11 мыңнан астамы Орал қаласына тиесілі.
Эльмира НҰҒМАНОВА,
zhaikuni.kz
Версия для печати
Соңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу