КіруЕРЛІК ШАМҒАЛИ, «Jas Otan» ЖҚ БҚО филиалы төрағасының орынбасары: «КАРАНТИН РЕЖІМІ БІРДЕН ТОҚТАСА, ЖАСАЛҒАН ЖҰМЫСТАР ЕШ КЕТЕДІ»
– Қасым-Жомарт Кемелұлының төтенше жағдай режиміне байланысты мәлімдемесін отбасымызбен асыға күткеніміз жасырын емес. Төтенше жағдай кезіндегі мемлекеттік басқару жүйесінде дер кезіндегі қабылданған жұмыстар мен шешімдер, өзге елмен салыстырғанда дерттің таралуының алдын алып, бүгінгі карантин режімін кезеңмен тоқтату үрдісі Мемлекет басшысының елге деген жанашырлығының нақ көрінісі деп білемін. Сондықтан біз, жастар карантин режімінің дәл осындай жүйеде, кезең-кезеңмен жеңілдетілуін құптаймыз. Өйткені қазіргі жағдайда карантин режимі бірден тоқтатылса, осы кезге дейін жасалған жұмыстардың еш кетуі мүмкін еді. «Нұр Отан» партиясының «Jas Otan» ЖҚ БҚО филиалы карантин аяқталса да, халық қайтадан қалыпты өмірге оралғанша, көмекке мұқтаж жандарға көмек көрсетуге, мәселен, егде жастағы қариялардың дәрі-дәрмегін, азық-түлігін жеткізуге дайын екенімізді жеткіземіз. Қазіргі таңда еріктілер Мақтааралға көмек көрсету бойынша жұмыстанып жатыр. Халыққа қызмет көрсету орталықтарындағы онлайн жүйе, электронды кезек мәселесін қала тұрғындарына кеңінен түсіндіру жұмыстарын жүргізудеміз. Осы жұмыстарымыз арқылы халықтың көп шоғырланбауына, дерттің алдын алуға ықпал етудеміз.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Пікір үстеу