КіруЕРІКТІЛЕРГЕ ҚОЛДАУ КӨРСЕТУ ОРТАЛЫҒЫ АШЫЛДЫ
Оралда «Ашық жүрек» еріктілерді үйлестіру орталығы жұмысын бастады. Жаңа орталықтың кеңсесі Оқушылар сарайындағы «Бастау» коворкинг орталығында орналасқан. Еріктілерге бағыт беру, қолдау көрсету мақсатындағы орталықтың ашылуына қала әкімі Абат Шыныбеков қатысты.
Өңірлік еріктілер орталығы Қазақстан Республикасы Ақпарат және қоғамдық даму министрлігінің қолдауымен «Азаматтық бастамаларды қолдау орталығы» КЕ АҚ «жастар арасында волонтерлік брендін танымал ету бойынша «Ашық жүрек» жобасын іске асыру» гранты шеңберінде «Қазақстан волонтерлері лигасы» қоғамдық қорының ұйтқы болуымен ашылды. Орталық директоры Алтынбек Бисенов түсіндіріп өткендей, «Қазақстан волонтерлері лигасы» 2014 жылы Алматы қаласында құрылған қоғамдық бірлестік. Түрлі ірі шаралардың жүзеге асуына атсалысқан бірлестік өкілдері жинаған тәжірибелерін «Ашық жүрек» жобасы арқылы еліміздің әр аймағында таратуды мақсат еткен.
– 2016 жылы Алматыда 1000 қайырымдылық ісін жүзеге асырсақ, 2017 жылы «Универсиада» ойыны, «Экспо» көрмесі сынды ірі шаралар біздің волонтерлардың тікелей қатысуымен өтті. 2018 жылы қайырымдылық марафонын бастадық. Сегіз бағыт бойынша мұқтаждарға көмек көрсету мақсатындағы «Ашық жүрек» жобасы 2019 жылы Жастар жылында таныстырылды. «Өлкем», «Отбасым», «Қазынам»,«Жігерім», «Құлыным», «Табысым», «Шабытым», «Күш-қуатым» бағыттары бойынша жұмыстар атқарылды. Енді осы тәжірибемізді таратпақ ниеттеміз. «Білім», «Саулық», «Үміт», «Қамқор», «Асыл мұра», «Сабақтастық», «Таза әлем» бағыттары бойынша жұмыс жасаймыз. Әр волонтердің өз қызығушылықтары бойынша өздерін дамытуына, жобаларын дайындауына оны жүзеге асыруына қолдау көрсетпекпіз, – деді Алтынбек Бисенов.
Қала әкімі Абат Шыныбековтың айтуынша, бүгінде шаһарда 2000-дай азамат пен азаматшаның басын біріктірген 100-ден аса еріктілер ұйымы бар.
– Ақ Жайық жастары әрқашан Мемлекет басшысының саясатын жоғары деңгейде қолдайды. Пандемияға байланысты қиын кезеңде еріктілеріміз қоғамға көп қолдау көрсетті. Ұйымшылдықпен мейірімділіктерін төге білді. Азаматардың бірлігі қала тірлігінің жалғасуына әсерін тигізді. Еріктілердің жарқын істерін жалғастыру жолындағы қолдау көрсету жұмысының жалғасын тапқанына қуанамыз. Орал қаласы – жаңа бастамалардың қаласы, жастарымыздың белсенділігі жоғары. Алтын күзде бастау алған орталықтың жұмысына сәттілік тілеймін, – деді Абат Абайұлы.
Айта кетейік, «Ашық жүрек» жобасы аясында еріктілердің шағын гранттарды иеленуге мүмкіндігі бар. Ол үшін еріктілер жобаларын дайындап, орталыққа ұсынуы қажет.
Эльмира НҰҒМАНОВА
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу