КіруЕР АДАМНЫҢ ДЕНЕСІ ТАБЫЛДЫ
31 наурыз күні Орал қаласындағы Құрманғазы көшесі, 164 мекенжайындағы үйден 1962 жылғы ер азаматтың денесі табылды.
БҚО Полиция департаменті баспасөз қызметінің мәлімдеуінше, денесінде зорлық белгілері жоқ. Сондай-ақ оның 16 наурыз күні Ресей Федерациясынан келгені белгілі болып отыр. Осы орайда, коронавирус инфекциясының таралу қаупін ескере отырып, мәйіттің барлық қауіпсіздік шараларын сақтай отырып тасымалдануы қадағаланбақ.
Өлім себебін анықтау үшін мәйт сот-медициналық сараптамаға жіберілген.
Полиция департаменті өкілдері тұрғындарды расталмаған ақпаратты таратпауға шықырып отыр. Жалған ақпарат таратқандарға Қылмыстық Кодекстің 274-ші бабына сай қылмыстық жауапкершілік көзделген. Осы баптың екінші тармағында жазылғандай, төтенше жағдай кезеңінде, не ұрыс жағдайында, не соғыс уақытында немесе көпшілік шараларды өткізу кезінде жалған ақпарат таратқандар үш жылдан жеті жылға дейінгі мерзімде бас бостандығын шектеу немес осы мерзімде бас бостандығынан айыру жазасына тартылатын болады.
Айта кетейік, коронавирус пандемиясына байланысты елімізде инфекцияның таралуына жол бермеу мақсатында 16 наурыздан бастап төтенше жағдай жарияланды.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Пікір үстеу