Кіру«ЕЛБАСЫ МАҚАЛАСЫ ХАЛЫҚҚА КҮШ-ЖІГЕР БЕРДІ»
Бүгін ҚР Тұңғыш Президенті – Елбасы Нұрсұлтан Назарбаевтың «Бірлесе білген ел бәрін жеңеді» атты мақаласы жарияланды. Елбасы мақалада тұтқиылдан келген жаман індет – коронавирус дерті барша адамзатқа қауіп-қатер төндіріп отырғанын айтып, осы жағдайда халықты қиындыққа қайыспай, белімізді бекем буып, береке-бірлігімізден айрылмауға шақырған болатын. Елбасының мақаласына орай , БҚО ҚХА Аналар кеңесінің төрайымы Шалқыма Құрманалина пікір білдірді.
– Коронавирус індеті дүние жүзін жайлап барады. Оны жұқтырғандар саны да күннен-күнге артуда. Қазіргі таңда барша халықтың, оның ішінде аналардың ойында «Бұл індеттен қашан құтыламыз?» деген тек бір сұрақ. Еліміздің Тұңғыш президенті Н.ӘНазарбаевтың осы індетке байланысты «Бірлесе білген ел бәрін жеңеді» атты мақаласы, пандемиямен оның салдарына тиісті жауап беру мақсатында күш біріктіріп, сол індетке бірге қарсы тұрып, сақтануға халыққа күш жігер беретін, уақытында жарияланған үндеу.
Коронавируспен күрес жағдайында аурудың әрі қарай таралмауына күш салып, жұмылуымыз керек. Әр азаматты төтенше жағдай кезінде карантин талаптарын орындауда төзімділікке, бірлікке шақырамын.
Президентіміз Қ.К.Тоқаев биылғы жыл «Еріктілер жылы» деп жариялаған болатын. Өңірімізде ерікті түрде жақсылық жасауға өзгеге қол ұшын созуға дайын жандар жетерлік. Қазіргі төтенше жағдайда осы азаматтардың белсенділігін анық байқап отырмыз. «Біз біргеміз» деп қайырымдылыққа ұмтылған жандардың істеріне сәттілік тілеп, аналар болып қолдайық!
«Мәңгілік ел» болуымыз үшін әрбір жеке тұлға өздерін күтіп, індетке мойынсұнбай, бірігіп күресіп, бірге шығуымыз керек деген ойдамын.
Үйде отырайық, сақтанайық. Қашықтан қарым-қатынас жасап, білімімізді көтеруге, жасалмаған істерімізді аяқтауға, үй шаруасын күйттеп, пайдалы іс атқаруға, ғылыммен айналысуға мүмкіндік барын ұмытпайық. Бос отырмай, өзімізге, отбасымызға, қоғамға пайда келтірейік дегім келеді. Елімізде амандық,тыныштық, келісім, бірлік болсын, – деді педагогика ғылымдарының докторы, профессор Шалқыма Хайроллақызы.
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу