КіруЕКІ АЙДА 15 ВЕЛОСИПЕД ҰРЛАНДЫ
2019 жылғы 5 қарашада Орал қ.ПБ криминалдық полиция бөлімінің жедел уәкілдері қыркүйек айынан бүгінгі күнге дейін ұрлықпен айналысып оқиға орнынан ілезде бой тасалап үлгеретін әккі күдіктіні қолға түсірді. Ол арнайы Атырау қаласынан келіп, ұрлықты кәсіп қылуға бел шешкен гастролер екен.
Қыркүйек айы басталысымен ол Орал қаласында еркін жүріп, көзіне көрінген велосипедтерді үптеп, сатып отырған. Еш жерде жұмыс жасамайтын 1993 жылғы, Атырау қаласының тумасы жымысқы ойларын кешкі сағат 18.00 мен түнгі сағат 23.00 аралығында жүзеге асырып отырған. Нақтырақ айтсақ, 2019 жылғы 3 қыркүйекте бұл күдікті Қонаев ықшам ауданына қарасты көп қабатты жәйлі пәтерлі бір үйдің 2 подьезінен қара сарғыш түсті рамасы бар велосипедтің тросын қысқашпен қиып, рөліне отырып зулап кеткен.
– Мен велосипедті қатты сыммен, мықты троспен подъезд алдындағы темір бағанға байлап едім, енді міне оны да қиып алып кетіпті, – деп аң таң болған 1991 жылғы Орал қаласының тұрғыны полицияға шағымданды. Велосипед иесіне 40 мың теңге шығын келді.
Осылайша, 2 ай ішінде 15 велосипедті ұрланды. Алайда, тәртіп сақшыларының кәсіби шеберлігі мен қырағылықтары арқасында Атыраудан келген гастролер қала орталығында кезекті велосипед ұрлап жатқан жерінен ұсталды. Жедел уәкілдер атыраулық жігітті басқармаға жеткізіп, одан сұрақ жауап алу барысында ол 15 велосипедті қалай ұрлағанын мойындап, айтып берді.
2019 жылдың 9 айында шаһарда 47 велосипед ұрлығы тіркеліп, отыз велосипед өз иелеріне кері қайтарылған.
Орал қ.ПБ баспасөз қызметі
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу