КіруЕңбек адамын ел ұлықтады
Бүгін шаһарымызда Жұмысшы мамандықтар жылы аясында «ЕҢБЕК. АДАМ. ҚҰРМЕТ» атты жұмысшы мамандықтарының фестивалі өтті.
Алдымен, жиналған жұртшылық «Атамекен» өнер ордасының фойесінде техникалық және кәсіптік білім беру мекемелері ұсынған көрмені тамашалады. Көрмеде жас шеберлердің қолөнер бұйымдары, өндірістік үлгілер мен инновациялық жобалар көпшілік назарына ұсынылды.
Кейін концерт залында аталмыш фестивальдің пленарлық отырысы өтті. Іс-шараға Батыс Қазақстан облысының әкімі Нариман Төреғалиев, сондай-ақ өңірдің техникалық және кәсіптік білім беру ұйымдарының өкілдері мен студенттері қатысты. Жиынды БҚО білім басқармасының басшысы Елдос Сафиуллин жүргізді.
Сонымен қатар, шараға облыстық ардагерлер кеңесінің төрағасы Мақсот Берген, БҚО іскер әйелдер кеңесінің мүшесі, хризантема гүлдерін өсіруші, коллекционер Валентина Горбонова, Орал трансформатор зауытының мастері Ләззат Жұмаділдә және басқа да еңбек адамдары мен кәсіпкерлер арнайы шақырылып, өз тәжірибелерімен бөлісті.
Фестиваль барысында сөз алған өңір басшысы Нариман Төреғалиев:
– Мемлекет басшысы Қ.Тоқаев: «Еңбек адамына құрмет көрсету – мемлекеттік саясаттың басты бағыты. Біз адал еңбекті әрдайым жоғары бағалаймыз» деп атап өткендей, өмірде көзге көп көрінбегенімен, қоғамның дамуына зор үлес қосып жүрген азаматтар бар. Біздің күнделікті өміріміздің әр сәтінде қарапайым жұмысшының қолтаңбасы бар, – деп атап өтті.
Жиын соңында бірқатар жұмысшылар мен мамандарға алғыс хаттар мен ақшалай сыйлықтар табысталды.
Фестивальдің көрме бөлігі Тұңғыш Президент алаңында жалғасын тапты. Мұнда он екі ауданнан келген жұмысшы кәсіп иелері өз өнімдері мен еңбектерін ұсынды. Сондай-ақ «Ауыл аманаты» бағдарламасы аясында және қайтарымсыз грант иегерлері әзірлеген жобалар, жұмыс берушілер жәрмеңкесі, қолөнер және ауыл шаруашылығы техникасы көрмелері ұйымдастырылды.
Мерекелік көңіл-күйді асық ату мен арқан тарту жарыстары қыздырса, тұрғындар түрлі ұлттық тағамдардан дәм татты. Кешкісін фестиваль алаңда өтетін гала-концертпен қорытындыланбақ.
«Жайық үні»
Версия для печатиСоңғы жаңалықтар
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Азаматтардың басым көпшілігі «Заң мен Тәртіп» қағидаты мен «Таза Қазақстан» идеясын қолдайды – сауалнама
Саяси пікірталас күшейді: ҚХП ЖСДП бағдарламасындағы бастамаларды сынға алды
Шағын модульдік реакторлар – Қазақстанның болашақ энергетикасының жаңа бағыты
Хан тоғайындағы 18 гектар аумақты шарпыған өрт толық сөндірілді
