КіруДостық карнавалы
Тәуелсіздіктің ширек ғасырлық тойына орай облыс әкімдігі мен БҚО Қазақстан халқы Ассамблеясының «Этностар күні» жобасын шаһарымыздағы неміс ұлтының өкілдері жалғастырды. 13 қараша күні Достық үйінде «Хаймат» неміс этно-мәдени орталығының ұйымдастыруымен Fasching карнавалы өтті.
Fasching карнавалы – христиан оразасының алдында келіп, бір апта тойланатын дәстүрлі қуаныш пен шаттық мерекесі. Германияның қалалары мен қыстақтарында мереке 11-айдың 11-жұлдызында, сағат 11-ден 11 минут кеткенде басталады. Тұрғындар өз үйлерін, дүкендерді, мейрамханаларды безендіріп, кіреберіске сабаннан жасалған карнавалдық қуыршақтар іледі. Көшеге түрлі бейнеде киініп шыққан халық бір-біріне тәтті тағам ұсынады.
Достық үйінде өткен мереке дәл осындай көріністермен басталды. Жиналғандар немістердің ұлттық тағамдарынан дәм татып, Вольдорф бағытындағы мектеп-гимназиясы оқушыларының қолөнер бұйымдарын тамашалады. Бағдарлама шымылдығын БҚО әкімі аппараты «Қоғамдық келісім» мекемесінің директоры Александр Әжіғалиев ашты. – Елбасы тапсырмасымен Тәуелсіздігіміздің 25 жылдық мерекесі қарсаңында пайдалануға берілген Достық үйі өңіріміздегі ұлт өкілдерінің ортақ мекеніне айналды. Еліміздегі бірлік пен ынтымақтың арқасында осындай жетістікке жеттік. Соның бір дәлелі – достық шаңырағында неміс ұлтының карнавалын бірлік пен татулықта атап өтуіміз, – деді Александр Құмарұлы.
Мерекелік құттықтау лебізін «Хаймат» неміс этно-мәдени орталығының төрағасы Эдуард Фрицлер, Вольдорф бағытындағы мектеп-гимназиясының кураторы Элке Винтер жалғады. Германияның Хаген қаласынан келген Э.Винтер жылы қабылдап қонақжайлық танытқан оралдықтарға ризашылығын білдірді.
Бұдан әрі кеш Вольдорф бағытындағы мектеп-гимназиясы оқушылары, «Адажио» ансамблі, мектептен тыс жұмыстар орталығы ұсынған концерттік бағдарламамен жалғасты. Әр түрлі костюммен мереке ортасынан табылған әртістер карнавалдың әр күніне сай ойындарға қатысып, келушілердің көңілдерін көтерді.
Эльмира НҰҒМАНОВА
Наталья МИТРЯНСКАЯ, «Хаймат» неміс этно-мәдени орталығының өкілі:
– Карнавал Германияда бесінші жыл мезгілі ретінде қабылданады. Бейсенбіден сәрсенбіге дейін тойланатын карнавалдың әр күнінің өзіне тән ерекшелігі бар. Бір апта бойы немістер әр түрлі сауық кештері, костюмді шерулер арқылы дәстүрлерін әр қырынан көрсетеді. Мәселен, бейсенбі – әйелдер күні. Бұл күні нәзік жандар үшін барлығына рұқсат. Дәстүрге сай әйелдер ерлермен әзілдесудің түрлі әдістерін қолданады. Ер адамадар оған ренжімеуі тиіс. Жылдар бойы сақталған дәстүрлі әзілдердің бірі – ерлердің галстуктарын қию. Яғни көшеде, мейрамханада, концертте кездескен кез келген ер адамның галстугын кесіп алуға болады.
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу