КіруДЕРКӨЛ ТҰРҒЫНДАРЫ ҚОҒАМДЫҚ КӨЛІКТЕР САНЫН КӨБЕЙТУДІ СҰРАДЫ
15 қыркүйек, жексенбіде деркөлдіктер «Орал» спорт кешенінде ұйымдастырылған қабылдау шарасында қала басшысы мен құрылымдық бөлім басшыларына көкейдегі мәселелерін жеткізді. Қала әкімдігі баспасөз қызметінің мәліметінше, жалпы 64 тұрғын шараға келген болса, олардың 24-і шаһар басшысы Абат Шыныбековтың қабылдауында болған.
Қоғамдық көлікке қатысты мәселе – Деркөл елдімекені тұрғындары үшін де өзекті. Елдімекенмен қаланы байланыстыратын №7, №7 «Үміт» бағыттарындағы автобустардың қозғалысына қатысты шағым аз емес. Қоныстанушылардың көбеюіне байланысты елдімекендегі «Көкжиек», «Сарыарқа» шағынаудандарында халық саны артуда. Әрі олардың басым көпшілігі қалада жұмыс жасайтындар немесе оқу орындарының студенттері екенін есепке алу қажет. Қала әкімі мен жолаушы көлігі және автомобиль жолдары бөлімі мамандарына жолыққандар осы мәселені алға тартып, Деркөлдегі қос шағынаудан бағытына қосымша жаңа автобус шығаруды немесе сыйымдылығы үлкенірек автобустардың жиі жүруін сұрады.
«Сарарқа» шағынауданына жоспарланған жол құрылысы, саяжайлардан балаларды мектепке тасымалдау, елдімекендегі қоқыстардың уақытылы тазалануы мен «Сарыарқа» қоқыс контейнерлерін жаңарту, бұралқы иттерді жою, балалар ойын алаңын салу, тұрғын үй, жұмыспен қамту сынды мәселелері бойынша жауапты тұлғаларға тапсырмалар берілді.
Соңғы жаңалықтар
«Су тасқынынан зардап шеккендерге өтемақы төлеуде жеделдік қажет»
Батысқазақстандық полиция қызметкерлеріне гуманитарлық көмек жіберілді
Пікір үстеу