КіруДЕРКӨЛ КЕНТІ ӘКІМІ ҚОҒАМДАСТЫҚ АЛДЫНДА ЕСЕП БЕРДІ
Оралда кент, селолық округ әкімдері жергілікті қоғамдастық мүшелері алдында есеп беруде. Бүгін, 10 ақпан күні Деркөл кенті әкімі Жұбан Жұмағалиев өткен жылдың қорытындысы бойынша кенттегі атқарылған жұмыстарды баяндады. Сондай-ақ осы жылдың жоспарымен бөлісті. Қоғамдастық мүшелерімен қатар бұл кездесуге қала әкімі Абат Шыныбеков, облыстық, қалалық мәслихат депутаттары қатысты.
Өткен жылы кент ретінде мәртебесі өзгерген Деркөлдің тұрғындары қазір 30 мыңнан асқан. 2020 жылдың шілде айынан кент әкімдігі аппараты жұмысын бастады. Алты ай ішінде аса ірі жобалар жүзеге асырылды деп айтуға болмас. Десек те кентті дамыту, абаттандыру, әлеуметтік мәселелерді шешу мақсатында жұмыстар жасалды. Кент әкімінің мәліметінше, өткен жылы қала әкімдігі бюджетінен есебінен кентте «елдімекендерді санитарлық қамсыздандыру» бағдарламасы бойынша жұмыстар атқарылған. Сондай-ақ «елдімекендерді абаттандыру және көгалдандыру» бағдарламасы жүзеге асырылып, аялдама павильондары, ойын алаңдары салынды. Бөлінген қаржы толықтай игерілген.
Әлеуметтік қорғау саласын дамыту, жол жөндеу жұмыстары биыл да жалғасын табады. Кентте өткен жылы жалпы 520 млн. теңге болатын біренеше инвестициялық жобалар жүзеге асырылған. Дегенмен, қала әкімі Абат Шыныбеков инвестициялық тартымдылықты әлі де 4-5 есе арттыру, кент аумағында индустриалдық аймақ құру қажеттігін айтты.
Кездесу барысында қоғамдастық өкілдері Новостройка, Ветелки бағытындағы жолдың жағдайын, мал жайылымы мәселесін, балалардың бос уақытын өткізу мақсатындағы дамытушылық үйрімелерін ашу, жарықтандыру, қоқыс шығаруға қатысты сауалдарды көтерді.
Айта кетейік, пандемия жағдайына байланысты биыл әкімдердің халық алыдндағы есептік кездесулері онлайн форматта өтеді. Халыққа есеп беру жиынын Орал қаласы әкімдігінің ресми сайтынан, әлеуметтік желідегі инстаграм(@uralskakimat), фейсбук(Орал қаласының әкімдігі) ресми парақшаларынан көруге болады.
Эльмира НҰҒМАНОВА
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу