КіруДеректі фильмнің тұсауы кесілді
Бүгін, 11 наурыз Бөкей хандығының 225 жылдық мерейтойы алдымен Орал қаласында бастау алды.
Ертеңмен «Бөкей Ордасы – тұңғыштар мекені» атты көрме және режиссер Талғат Теменовтің «Жәңгірдің жаңғыруы» атты фильмін көруге асыққан көрермен академиялық Ғ. Құрманғалиев атындағы «Атамекен» өнер орталығында көп жиналды.
Айтулы шараға Қазақстан Республикасы Президентінің кеңесшісі Мәлік Отарбаев, Батыс Қазақстан облысының әкімі Нариман Төреғалиев және жерлесіміз, «Парасат», «Құрмет» ордендерінің иегері, өнертану профессоры, Қазақстанның Халық әртісі, кинодраматург Талғат Теменов арнайы қатысты. Мәртебелі меймандар мен шақырулы қонақтарды Бөкейорда ауданының әкімі Нұрлыбек Дауымов қарсы алып, қош келдіңіз айтты.
Ел ағалары, тарихшылар, зиялы қауым, студент жастар мен бөкейлік жерлестер сахна төрінен тамашалаған «Жәңгірдің жаңғыруы» атты фильм өткен тарихты, бабалар жүріп өткен дара жолды айна қатесіз еске салды. Фильм соңында сахна төріне көтерілген облыс басшысы Нариман Төреғалиев алғаш рет көрерменге ұсынылған «Жәңгірдің жаңғыруын» жадыраған Әз-Наурыз айында Референдуммен тұспа-тұс тұсауы кесілгенін жақсылыққа балап, режиссер Талғат Теменовтің иығына шапан жауып, Ақ Жайық жұртшылығы атынан ыстық ықыласын жеткізді. – Бүгін басталған Бөкей хандығының 250 жылдығы, бұйырса, Астана қаласында және ауданда жалғасын табады. Үлкен көрме ұйымдастырылады, – деді Н.Төреғалиұлы.
Сол секілді ҚР Президенттің кеңесшісі Мәлік Нұржанұлы да тебірене сөз сөйлеп, осы фильмнің жарық көруіне қолдау танытқан облыс әкіміне ризашылығын білдірді. Фильмнің режиссері Талғат Теменов те көп жылдар туған елден жырақта жүріп, перзенттік борышын Жәңгір атасының рухымен ұштастырғанын мақтаныш сезіммен айтып: – Жәңгірдей қазақ тарихында ұлы тұлға, үлкен тұлға болмаған. Оның қазақ халқы үшін жасаған істері, қазақ еліне әкелген алғашқы білімі, мәдениеті, әдебиеті, руханияты тарихта мәңгі қалады, – деді.
Иә, Жәңгір хан – Бөкей ордасының соңғы ханы. Генераль-майор. Шын аты Жиһангер болғанын, ұлт тарихында өшпес із қалдырғанын өскелең ұрпақ та жақсы біледі. Әбілхайыр ханның шөбересі, Нұралы ханның немересі, Бөкей ханның ұлы – Жәңгір 1815 жылы мұрагерлік салтқа сәйкес әкесінің ұйғаруымен хандық тақты қолына алады. Оның Бөкей хандығын басқарудағы шеберлігі, көршілес елдермен саясаттағы қарым-қатынасы, жалпы адами болмысы, жары Фатимамен сыйластығы, қиындыққа толы жылдары жайлы танымал академик Мұхтар Құл-Мұхаммед, Қабиболла Жақыпов, Нұрлыбек Бірманов, марқұм Мақсат Тәжімұрат, Сара Танабаева, Тихон Әліпқалиев секілді көптеген әдебиетшілер мен тарихшылар да сыр шерткен фильм – көзайым көрерменнің көңілін селт еткізді.
«Жәңгірдің жаңғыруы» – ұлттық рухтың өміршеңдігін паш етті. Халық та Жәңгір атаның жақсылығына дән риза болып, Бөкейорда ауданының өнерпаздары дайындап әкелген концертті тамашалады.
«Жайық Үні»
Суретке түсірген Мәди Салық.
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
