ДЕЛДАЛДАРДЫҢ ЗАҢСЫЗ ӘРЕКЕТТЕРІНІҢ ЖОЛЫН КЕСУ МӘСЕЛЕСІ ТАЛҚЫЛАНДЫ
3 тамызда «ANTIKOR ORTALYGY» сервистік орталығында БҚО Сыбайлас жемқорлыққа қарсы қызмет басшысының бірінші орынбасары Н.Саметтің, мекеме және квазимемлекеттік сектор субъектілері басшыларының қатысуымен жиын өткізілді.
Жиында әскери билеттерді, жүргізуші куәліктерін сату, сондай-ақ Damumed жүйесінде жалған медициналық қызмет көрсету бойынша делдалдардың заңсыз әрекеттерінің жолын кесу бойынша тиісті шаралар қабылдау мәселесі талқыланды.
Кездесу барысында Н.Самет көрсетілетін мемлекеттік қызмет алушыларға делдалдарға жүгіну қажеттілігі жоқ екендігі туралы халықты ақпараттандыру мақсатында жергілікті басқарушы мемлекеттік органдары өкілдерінің қатысуымен әлеуметтік желілерде жүйелі түрде тікелей эфир ұйымдастыру, қарамағындағы қызметкерлерге ведомствалық бақылауды күшейту және ХҚКО-ның қызметіне көшпелі мониторинг жүргізу туралы ұсынысын білдірді.
Версия для печати
Пікір үстеу