КіруДӘУЛЕТКЕРЕЙ ОРКЕСТРІ 20 ЖЫЛДЫҚҚА 20 КОНЦЕРТ ҰСЫНАДЫ
Күйші-композитор Дәулеткерей Шығайұлының 200 жылдығына орай Ғ.Құрманғалиев атындағы облыстық филармонияда жыл тақтасы ашылды.
Биыл күй өнеріндегі лирикалық бағыттың негізін салушы Дәулеткерейдің туғанына – 200 жыл. Облыстық филармонияда күйші атындағы қазақ халық аспаптары оркестрінің құрылғанына – 20 жыл. Атаулы қос мерейтойға орай Ғ.Құрманғалиев атындағы облыстық филармония Дәулеткерейдің шығармаларын кеңірек насихаттауды қолға алмақ. Күйшінің жаңа шығармаларын жинақтау, нотаға түсіріп, партитура ретінде шығару жоспарда. Сондай-ақ оркестрдің 20 жылдығына орай «20 жылдыққа – 20 концерт» атты ауқымды жобаны жүзеге асырмақ. Бұл жоба аясындағы оркестрдің концерттік бағдарламалары өңір аудандарында және көршілес облыстарда өтетін болады. Алғашқы концерт күні кеше оралдықтардың назарына ұсынылды.
Дәулеткерей атындағы қазақ халық аспаптары оркестрінің бас дирижері және көркемдік жетекшісі, «Құрмет» орденінің иегері, мемлекеттік «Дарын» жастар сыйлығының лауреаты, мәдениет саласының үздігі Еркін Нұрымбетовтың мәліметінше, оркестр 2000 жылы құрылған. Қазір құрамында 50 шақты музыка маманы жұмыс жасайды. Олардың басым көпшілігі түрлі халықаралық, республикалық байқаулардың лауреаттары. 20 жылдың ішінде оркестр көптеген қазақ және шетел композиторларының күрделі шығармаларын музыка аспаптарына түсірді. Бүгінде репертуарда 1000 шақты шығарма бар екен. Олардың 16-сы Дәулеткерей Шығайұлының туындылары.
Көптеген деректерде қазақтың әйгілі күйші композиторы, төре күйлерінің негізін қалыптастырушы Дәулеткерей Шығайұлының 1820 жылдың шамасында қазіргі Орал облысының Орда ауданында дүниеге келді деп жазлыған. Десек те, нақты туған жылы ертерек. Бұл жөнінде Тихон Әліпқали күйшінің алғашқы жерленген Қарамолла жеріндегі құлпытасында 1814 жыл деп анық көрсетілгенін жеткізді. 1991 жылдың шамасында арнайы барған адамдар құлпытасты оқытып, суретке түсіріп, сол кезде баспасөз беттеріне жариялап жазған. Алайда, Дәулеткерейдің сүйегін Ордаға ауыстырып, қайта жерлегенде бұрынғы құлпытасы сақталмай қалған көрінеді.
Бұл әрине, зерттеуді қажет ететін мәселе. Дегенмен, ҚР Еңбек сіңірген қайраткері, Дәулеткерей атындағы қазақ халық аспаптары оркестрінің бас дирижері Қырымгерей Қажымов күйшінің туған жылына қатысты дәлелді дерек нақтыланса, оркестрдің атынан сүйіншісін беруге дайын екенін жеткізді.
Версия для печатиСоңғы жаңалықтар
«Су тасқынынан зардап шеккендерге өтемақы төлеуде жеделдік қажет»
Батысқазақстандық полиция қызметкерлеріне гуманитарлық көмек жіберілді
Пікір үстеу