КіруБойжеткеннің өліміне қатысты іс қозғалды
Полиция Орал әуежайына қонған ұшақта көз жұмған бойжеткеннің өліміне қатысты іс қозғады. Тәртіп сақшылары зорлық-зомбылық белгілері жоқ өлім дерегі бойынша сотқа дейінгі тергеп-тексеруге кіріскен.
17 жастағы бойжеткен, анасы мен әжесі үшеуі Түркияға тынығуға аттанған екен. Бірақ ұшақ әуеге көтерілгенде ол өзін жайсыз сезінеді. Кейін халі нашарлаған жолаушыға әуе кемесіндегі үш дәрігер көмек көрсетіп, 45 минут бойы жүрегіне массаж жасап, жасанды тыныс алдырған. Бірақ бұл ем-дом да нәтижесіз болып, қыздың жүрегі тоқтап қалыпты.
Осыдан кейін Ресейдің Қазан қаласынан Анталияға ұшқан әуе кемесі шұғыл түрде Орал әуежайына қонуға мәжбүр болыпты. Облыстық денсаулық сақтау басқармасының баспасөз қызметі хабарлағандай, суық хабар түскеннен кейін жедел жәрдем бригадасы М.Мәметова атындағы әуежайға 15 минутта жеткен.
Бірақ дәрігерлер 2006 жылы туған жасөспірімнің ұшақ бортында дүние салғанын анықтаған. Марқұм – Татарстан азаматы, церебралды сал ауруына шалдыққаны мәлім болды.
Айнара ИСА
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Еріктілермен бірге есірткі жарнамаларын жою акциясын өтті
Пікір үстеу