КіруБизнеске қысым жасағандар қатаң жазаланады – Тоқаев
Мемлекет басшысы Қасым-Жомарт Тоқаев бизнеске заңсыз негізде қысым көрсеткен қадағалаушы органдардың өкілдері қатаң жазаланатынын ескертті.
«Біз бизнеске басымдық беріп, кәсіпкерлерді мемлекеттің шектен тыс қамқорлығынан арылтамыз. Азаматтардың табысының өлшеуіші парасатты еңбек, сыбайлас жемқорлық пен фавортизмнен адал, ашық әрі әділ бәсеке болады. Кәсіпкерліктің еркіндігін қамтамасыз етіп, қолайлы инвестициялық климат құру арқылы әр қадамын мығым басқан ұлттық буржуазиямызды қалыптастырамыз», – деді Қасым-Жомарт Тоқаев Қазақстан халқы ассамблеясының ХХХІ сессиясында.
Президент 2019 жылғы жолдауында бизнес туралы айтқанын еске алды.
«Қадағалаушы органдар азаматтардың мүдделерін қозғайтын нақты қылмыстарды, оның ішінде алаяқтық, қаржы пирамидалары, бюджет қаражатын жымқыру сияқты экономикалық қылмыстарды ашуға және жолын кесуге назар аударуға міндетті», – деді Мемлекет басшысы.
Қасым-Жомарт Тоқаев «жауапкершілікті сезінетін, адал бизнеске ешқандай қысым болмайтынын атап өтті.
«Егер заңсыз қысым болса, қадағалаушы органдар, құқық қорғау органдарының өкілдері қатаң жазаланады», – деді Президент.
Stan.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу