КіруБИЫЛ ОРАЛДА №53 ОРТА МЕКТЕПТІҢ ҚҰРЫЛЫСЫ БАСТАЛУЫ МҮМКІН
Орал қаласында биыл 53-ші мектептің құрылысы басталуы мүмкін. Бұл туралы қалалық білім беру бөлімінің басшысы Ақжарқын Темірханова мәлімдеді. Қазір білім беру нысанының жобалық сметалық құжаттары дайындалған. Жаңа нысан жұмысқа кіріскен сәтте үш ауысымды мектептер мәселесі толықтай шешілетін болады.
№53 мектеп Оралдағы Зачаган кентінде бой көтереді деп жоспарланған. Ал шаһарда апатты деп танылған №33 және №31 білім ошақтарының орнында су жаңа мектептер салынуда.
Атап өткен жөн мемлекеттік-жекеменшік серіктесті аясында инвестор қаржысына бой түзейтін №31 мектептің құрылысында кідіріс бар. Облыстық құрылыс басқармасының мамандары жұмыстар күн жылынысымен басталатынын айтты. Өйткені қазіргідей суық уақытта жер асты құбырлары мен жылу желілерін қозғау бірқатар проблемаларды тудыруы мүмкін.
Ал «Жұмыспен қамтудың жол картасы» бағдарламасы аясында қайта салынып жатқан №33 ЖББОМ жұмыстар ретімен орындалуда. Құрылыс шамамен 65-70 пайызға орындалыпты. Оған тартылған жұмысшылардың саны – 50-ден асады. Ішкі әрлеу және сылақ жұмыстарына қосымша тағы еңбек күші тартылатын болады.
– Нысан 2021 жылдың 1-ші қыркүйегінде пайдалануға беріледі деп күтілуде. Ондағы оқушылар осы аудандағы №2 мектепте білім алуда. Қосымша кабинеттер ұйымдастырылды. Мәселе жоқ,– деді қалалық білім беру бөлімінің басшысы Ақжарқын Темірханова.
Айнара ИСА,
zhaikuni.kz
Версия для печатиСоңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу