КіруБІР ТҮНДЕ БЕС ҮЙДІҢ АУЛАСЫ ӨРТЕНДІ
Батыс Қазақстан облысында бір мезгілде бес үйдің ауласы өртенді. Оқиға Бәйтерек ауданы Достық ауылында болды. Бүгін түнгі уақыт 00.41-де ауыл тұрғынынан өрт туралы хабар түскен. Мұнайшылар көшесі 1-мекенжайда 9 тонна пішен күлге айналды. Тәуелсіздік көшесі 21/А-мекенжайында 120 шаршы метрді қамтыған шаруашылық құрылысы, 1 тонна жем (бидай) мен 15 тонна пішен отқа оранды. Оқиға орнында аудандық ТЖ бөлімі қызметкерлері мен өрт сөндірушілерден штаб құрылды.
Пионер көшесі 26-үй 1-пәтерде 60 шаршы метрді қамтыған, құжаттары жоқ шаруашылық құрылысының төбесі және 12,5 тонна пішен өртенді. Ә.Молдағұлова көшесі 6-үйде 100 шаршы метр құжаттары жоқ шаруашылық құрылысы, 9,6 тонна пішен және 1 бас ірі қара жанып кеткен. Құрылысшылар көшесі 2-үйде 80 шаршы метр құжаттары жоқ шаруашылық ауласы, 20 тонна сабан, 7 торай, 12 күркетауық және 15 тауық өрт құрсауында қалды. Өрт сағат 06.41-де оқшауланып, 08.38-де сөндірілген.
Алдын ала жорамал бойынша өрт қасақана от қоюдан шыққан. Қазіргі кезде нақты себебі, келтірілген шығын, кінәлі адамдар анықталу үстінде. Өрт салдарынан жапа шеккен тұрғындар қызыл жалынның адам қолымен арнайы тұтанғанына сенімді.Ауа-райының тымық болуы себепті ауылдағы тұрғынжайларға зиян келмеген. Алайда осыдан екі ай бұрын шілдеде екі үйдің мал азығы сақталған орыны бір мезетте жанып кетіпті. Ауылдық ағайын биылғы маусымның құрғақ болуына байланысты жиған тергендерін жем шөпке салғанын айтады. Өкінішке орай әупірімдеп жиналған мал азығы ән сағатта күлге оранып отыр.
– Менің төрт балам бар. Сиыр сүтін сауып, сатып, мал азығын жинап едім. Бір түнде өртеніп кетті. Енді мал қорасы мен қайтадан жем-шөп жинауым керек. Енді төрт баламмен кімнен көмек сұрарға білмей отырмын,- дейді ауыл тұрғыны Гүлбаршын Камалиева.
Қызыл жалын әлі де құрықтала қоймаған, өрт сөндірушілер оқиға орнында отты толықтай сөндіруге бар күшті салуда. Тілсіз жауды ауыздықтауға 4 өрт бөлімшесі, 8 техника, 30 қызметкер жұмылдырылған.
Ауыл әкімі Әубәкір Төлеуов шығындар есептеліп, жапа шеккендерге көмек болатынын айтты. Аталмыш оқиға бойынша Бәйтерек ауданы полиция бөлімі бастығы Сұлтан Шалдарбеков қылмыстық іс қозғалғанын мәлімдеді.
– Қазргі таңда аталмыш іс бойынша ізін суытпай ашу мақсатында жедел іздестіру шаралары жүргізілуде. Аталған дерек бойынша ҚР ҚК 202 бабына сәйкес қылмыстық іс қозғалды,– деді Бәйтерек ауданы полиция бөлімі бастығы Сұлтан Шалдарбеков.
Айнара ИСА,
zhaikuni.kz
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу