Кіру«БІР КӨШЕ – БІР ТАРИХ». ОРАЛДА ЖАҢА КІТАПХАНАЛЫҚ ЖОБА БАСТАУ АЛДЫ
Орал қаласында Ж.Молдағалиев атындағы облыстық ғылыми – әмбебап кітапханасының бастамасымен «Бір көше – бір тарих» кітапханалық жобасы бастау алды. Биыл жоба аясында Орал қалалық кітапханасы, Ақжайық, Қаратөбе, Сырым аудандық кітапханаларымен, келесі жылы өңірдің басқа аудандық кітапханаларымен бірлесе сол аудандардан шыққан тарихи тұлғалар насихатталады.
– ҚР Тұңғыш Президенті Н.Назарбаев «Болашаққа бағдар: Рухани жаңғыру» мақаласында «Туған жер» бағдарламасын қолға алуды ұсынды. Еліңді тану – өлкеңді танудан басталады. Осы бағыттағы жобамыздың мақсаты – Жас ұрпаққа қала көшелеріне есімі берілген тұлғалар, атаулар арқылы еліміздің тарихын, мәдениетін, әдебиетін терең таныстыру арқылы кітапханаға, кітап оқуға деген сүйіспеншілігін, қызығушылығын арттыру. Көшеге есімі берілген тұлғаның өнегелі өмірі мен соңына қалдырған шығармашылығы, ерлік ісі, еңбегі, қайраткерлігі, мұрасы мен ізгі істерін насихаттау, – дейді облыстық кітапхана директоры Шолпан Оразаева.
Бүгін басталған жоба Ақжайық аудандық кітапханасымен бірлесе өткізіліп, Ақжайық өңірінен шыққан танымал тұлғалардың есімдерімен аталған көшелерде түрлі шаралар өтті. Атап айтқанда, Жұбан Молдағалиев атындағы саябақта жоба салтанатты түрде ашылып, ақынның атындағы көшеде орналасқан «Атриум» сауда үйінде «Тапқыр болсаң, тауып көр!» фото ойыны, В.Чапаев ескерткіші алдында «По горам уральским, по степным долинам» сазды сағаты және №40 орта мектепте Ораз Исаев көшесінің тарихына арналған «Жазықсыз жапа шеккен» еске алу кеші өтті.
Шараның ашылуында Жұбан ақынның ескерткішіне гүл шоғы қойылып, жұбантанушылар Социал Пұсырман мен Үзілдік Елеубайқызы ұлт тағдырын жырына арқау еткен Жұбан Молдағалиевтың өмір жолы, оның атқарған жұмысы мен адамдық келбеті туралы айтып, әр көшенің тарихымен танысуда жаңа бастаманың рөлі зор екенін атады.
– Қаламыздың басты көшесінің бірін иеленген Жұбан Молдағалиевті ақжайықтық әр жерлесіміз мақтан етеді. Бір облыстың өзінде бірнеше жерде ескерткіші орнатылып, көше атауларының берілуі де заңды. Жұбан Молдағалиев – КСРО және ҚР Мемлекеттік сыйлықтарының лауреаты. Жұбан ақын жыр қосқан туған жері Сайқұдықта өзім де туып-өсіп, ақынның көптеген өлеңдерінде есімдері аталған адамдардың көпшілігімен және ақынның өзін көріп, берген батасы мен өсиетін арқалап, күні кешеге дейін сол ауылда тұрып, адал еңбек еттім. Ақын өмірін зерттеп, көзі тірісінде біршама адамдардан естеліктер жинақтадым. Алматыда Қазақстан КСРО Жазушылар Одағы басқармасының хатшысы ретінде атқарған қызметі мен адами келбетін ашқан тұстастары Тұманбай Молдағалиев, Сағи Жиенбаев, Серік Қирабаев, Сырбай Мәуленов және басқа да ақын-жазушылармен кездесіп, лебіздерін тыңдадым. Бірінші рет Қазақ КСРО жоғары кеңестеріне депутат болып сайланып, қайраткерлік дәрежеге көтеріліп, Ұлы Отан соғысына бастан-аяқ қатысқанын, 1986 жылы Желтоқсан оқиғасында Колбинге қарсы сөз сөйлеп, қазақ жастарын қорғаған батырлығын, екі рет Ленин ордені, «Еңбек Қызыл ту», «Құрмет белгісі» ордендерін таққанын, екі рет екінші дәрежелі ҰОС ордендерімен марапатталғандарын және 1985 жылы Қазақстанның халық жазушысы атанғанын білесіздер. Ендеше, бүгінгі «Бір көше – бір тарих» жобасы аясында Жұбан Молдағалиев есімінің ерекше аталуы да, ол туралы толғаныс-деректердің ауқымды баяндалуы да заңды. Осы шарадан шыққан әр ойлы жас көшелерге есімі берілген тұлғалар туралы тың деректерді бөлісіп отырса деген ұсынысым бар, – дейді Үзілдік Елеубаева.
Бұл күні облыс орталығында есімдері берілген Ақжайық ауданының тұлғалары насихатталса, ендігі кезекте Қаратөбеден шыққан игі жақсылар таныстырылмақ.
Эльмира НҰҒМАНОВА
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу