КіруБІЛІМ САЛАСЫНЫҢ ҮЗДІКТЕРІНЕ «ОРАЛ ҚАЛАСЫНЫҢ ҚҰРМЕТТІ ҰСТАЗЫ» АТАҒЫ БЕРІЛЕДІ
Бұл туралы бүгін «Білім сапасы мен негізгі құндылықтар: жаңа идеялар және тәжірибелер» тақырыбында тікелей эфирде өткен дәстүрлі тамыз кеңесінде қала басшысы Абат Шыныбеков мәлім етті.
– Қай халық болсын ұстазын сыйлап, қадірлеп, ерекше құрметтеген. «Ұстаз болу – жүректің батырлығы, сезімнің ақындығы, мінездің күн шуағы, адамның асылдығы» – деп Ғафу Қайырбеков айтқандай, бүгінгі күні мұғалімдердің мәртебесін арттыру, моральдық тұрғыдан ынталандыруға байланысты жұмыстар қолға алынып отыр. Өткен жылы тұңғыш рет «Педагог мәртебесі туралы» Заң қабылданды. Бұл заңның аясында педагогика саласында жүрген қызметкерлердің мәртебесі айқындалып, бірқатар жеңілдіктер мен әртүрлі қолдаулар белгіленді. Соның ішінде бізге, жергілікті атқарушы органдарға да ұстаздарды көтермелеуге мүмкіндік берілді. Осы ретте Орал қаласы әкімдігі алдағы қалалық мәслихаттың сессиясына «Орал қаласының Құрметті ұстазы» атағын беруді белгілеуді ұсынып отыр. Бұл жергілікті атқарушы орган тарапынан білім сапасын көтеруде ұстаздарды ынталандыруға қолдау болады деп сенеміз, – деді Абат Абайұлы.
zhaikuni.kz
Версия для печатиСоңғы жаңалықтар
«Мерейлі отбасы-2024» ұлттық конкурсының қалалық кезеңі өтеді
Пікір үстеу