КіруБІЛІМ БЕРУ ҰЙЫМДАРЫНДАҒЫ ҮЗДІК ТӘРБИЕ ЖҰМЫСЫНЫҢ ЖҮЙЕСІ АНЫҚТАЛДЫ
Батыс Қазақстан облысы білім басқармасының жоспарына сәйкес талантты, шығармашылықпен жұмыс істейтін, кәсіптік біліктілігін көрсете алатын заманауи мектеп директорларының тәрбие жұмысы жөніндегі орынбасары, педагог-психологы, тәлімгер мен әлеуметтік педагогтерден құрылған үздік командалық жұмыс жүйесін анықтау, қолдау мақсатында «Үздік тәрбие жұмысының жүйесі» атты облыстық командалық байқау өтті.
Байқау II бөлім бойынша ұйымдастырылды. I бөлімде қатысушылардың «Заманауи оқушыларды тәрбиелеудегі әлеуметтік және шығармашылық жобалары» туралы бейнероликтері интербелсенді таныстырылымы YouTube желісінде өтсе, II бөлімі күндізгі сайыс ретінде Жаңақала мектеп-гимназиясында ағымдағы жылдың 26 сәуірі күні оздырылады. Байқауда «THE BEST GROUP SCHOOL» тұсаукесері және «Ортақ міндет, бір ұжым» еріктілер жұмысын ұйымдастыру бойынша үгіт-насихат жүргізу барысы, практикалық бөлімі көрсетілді. Байқауға әрбір ауданнан және қаладан, облыстық мектептерден 14 команда, 70 білім беру саласының қызметкері қатысты. Шара барысында қатысушылар мектеп алаңына 12 түрлі жеміс ағаштарын отырғызды.
Байқау қорытындысы бойынша 1 орын Орал қаласы, Ə.Молдағұлова атындағы N38 мектеп-лицейінің командасына бұйырды. 2 орынды Бəйтерек ауданы Щапов ЖОББМ командасы мен Бөрлі ауданы, Пугачев ЖОББМБК-ның командасы иеленді. 3 орынды Ақжайық ауданының Қ.Байсықов атындағы ЖОББМ, Бөкейордасы ауданы Ш.Жексенов атындағы ЖОББМ, Дарынды балаларға арналған мамандандырылған «БІЛІМ-ИННОВАЦИЯ» мектеп-лицей-интернаты бөлісті.
Жеңімпаздар мен жүлдегерлерге дипломдар мен арнайы сыйлықтар табысталды.
Версия для печати
Соңғы жаңалықтар
«Мерейлі отбасы-2024» ұлттық конкурсының қалалық кезеңі өтеді
Пікір үстеу