КіруБЕС КҮНДЕ 90 ҚЫЛМЫС ТІРКЕЛДІ
Бес күн ішінде Батыс Қазақстан облысында 90 қылмыс тіркеліп, 1 356 әкімшілік құқықбұзушылық анықталған.
Мереке күндері, яғни 2019 жылдың 31 желтоқсаны мен 2020 жылдың 4 қаңтары аралығында тіркелген 90 қылмыстың 49-ы кезекшілік тәулікте ашылған. Осы мерзімде 1 356 әкімшілік құқықбұзушылық орын алған. Олардың 30-ы – ұсақ бұзақылық. Мас күйде көлік басқарған 16 жүргізуші, ішімдік ішу немесе қоғамдық орындарда мас күйде жүрген 34 азамат ұсталыпты. Бұдан бөлек отбасылық-тұрмыстық қарым-қатынас саласы бойынша 19 құқықбұзушылық әрекеті орын алған.
Сондай-ақ бейнебақылау камералары арқылы 170 әкімшілік-құқықбұзушылық анықталған.
Айта кетейік, 2019 жылдың 31 желтоқсанынан 2020 жылдың 5 қаңтары аралығында қоғамдық тәртіпті тиісті деңгейде сақталуын қадағалау, көшеде және қоғамдық орындарда қылмыстың жолын кесу мақсатында БҚО Полиция департаменті қызметтің күшейтілген түріне көшірілген болатын. Адамдардың қауіпсіз демалысын қамтамасыз ету мақсатында көңіл көтеру орындары бойынша патрульдеу күшейтіліп, БҚО Полиция департаментінің барлық қызметтері мен ҚР ІІМ Ұлттық гвардияның жеке құрамы тартылып жаяу және автомобиль патрулі жасағы толықтырылды.Облыс бойынша барлығы 600 полиция қызметкері тәртіпті қадағалады.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу