КіруБАТЫСҚАЗАҚСТАНДЫҚ СТУДЕНТТЕР ӨЛКЕ ТАРИХЫНА ҮҢІЛДІ
Батыс Қазақстан облысында «Туған өлке – тұнған тарих» атты ғылыми-зерттеу жобасы байқауы өтті. Елбасымыздың «Ұлы даланың жеті қыры» және «Болашаққа бағдар: рухани жаңғыру» мақалалары аясындағы байқауды облыстық тілдерді дамыту басқармасы ұйымдастырды.
Мақсат – өзінің туған өлкесін, ауылын, қаласының тарихын білетін, өз өлкесін ерекше сүйетін, оның салтын қастерлейтін, Отан патриоттарын тәрбиелеу, білім алушылардың ғылыми ойлау және зерттеу қабілеттерін дамыту. Оған Орал қаласы мен 4 ауданның техникалық және кәсіптік білім беру ұйымдарынан 19 үміткер қатысты. Жас зерттеушілер өздерінің антропонимика, топонимика бағытында жүргізген ғылыми-зерттеу жобасын ұсынып, өңірлік ономастиканың анықтамалық әдебиеттерімен жұмыстанудағы біліктіліктері мен дағдысын, сөйлеу тәжірибесінде алған білімі мен іскерлігін қолданудағы шеберлігін, туған өлке тарихының ақпараттық-талдау материалдары жүйесін құру және жүргізудегі жұмысын, қабілеттері мен шығармашылық әлеуетін көрсете білді.
Жоғары оқу орындарының профессорлық-оқытушылар құрамынан, ғылыми-сарапшылық және облыстық балалар-жасөспірімдер туризмі және экология орталығынан топ мүшелері төрелік етті.
Байқау қорытындысында бас жүлдені Орал ақпараттық технологиялар колледжінің 1 курс студенті Наталья Игнатьева иеленді. Ж.Досмұхамедов атындағы жоғары педагогикалық колледжінің 1 курс студенті Залина – бірінші, Бәйтерек ауданы Рубежка колледжінің 1 курс студенті Бек Амангелді мен Орал ақпараттық технологиялар колледжінің 1 курс студенті Қадырбек Дүйсекенов – екінші орын иеленді. Бәйтерек ауданы Зеленов колледжінің 1 курс студенті Елена Литвякова мен Батыс Қазақстан Инженерлік-технологиялық колледжінің 2 курс студенті Гүлнәз Өтемісова және Жалпақтал аграрлық және салалық технологиялар колледжінің 2 курс студенті Құндыз Сансызбаеваның жүргізген зерттеу жобалары үшінші орынға лайық деп танылды.
Байқау жеңімпаздары диплом және бағалы сыйлықтармен марапатталды.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу