КіруБАТЫСҚАЗАҚСТАНДЫҚ ОҚУШЫЛАР РЕСПУБЛИКАЛЫҚ IQANAT ОЛИМПИАДАСЫНАН ЖЕҢІСПЕН ОРАЛДЫ
Республикалық олимпиада биыл Қапшағайда 7-11 мамыр аралығында өтті. Олимпиаданың қорытындысында батысқазақстандық оқушылар жеңіс тұғырынан көрінді. Бұл туралы БҚО білім басқармасы баспасөз қызметі хабарлады.
Ауыл мектептерінің оқушыларына арналған IQanat республикалық бағдарламасы – қазақстандық меценаттардың білім беру саласындағы жобасы. Бағдарлама мақсаты – ауыл мектептерінің оқушыларын іргелі, ұлттық оқу орны және шетел университеттеріне түсулері үшін қолдау, ынталандыру. Бағдарламаға Қазақстан аймақтары бойынша іріктеу кезеңдері, сондай-ақ еліміздің және шетел бастаушы жоғары оқу орындарына грант және стипендиямен түсулеріне қолдау көрсету кіреді.
Қапшағайда ұйымдастырылған республикалық IQANAT олимпиадасында еліміздің түкпір-түкпірінен 700-ге жуық оқушы қатысты. Білім додасына Батыс Қазақстан облысынан қатысқан 47 оқушының 12-сі жеңіс тұғырынан көрінді.
Атап айтар болсақ, батысқазақстандық 9 оқушы Бурабайдағы IQANAT мектебіне грант ұтып алса, 2 оқушы edu.iqanat.kz платформасындағы олимпиада жүлдегерлері атанып, 1 оқушы тіл мамандығы бойынша жеңімпаз атанды.
Грант ұтқан оқушылар қыркүйек айынан бастап Бурабайдағы IQANAT мектебінде білім алатын болады. Сонымен қатар облысымыздан 12 оқушы резервте тұр.
zhaikuni.kz
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Пікір үстеу