КіруБатыс Қазақстан облысында қуаттылығы жылына 130 мың тонна метанол өндіретін газхимия кешенінің құрылысы басталды
Батыс Қазақстан облысы, Бәйтерек ауданы, Белес ауылдық округінде метанол өндіретін газхимиялық кешеннің құрылысын бастауға арналған капсула салу салтанатты рәсімі өтті, – деп хабарлайды облыс әкімінің баспасөз қызметі.
Еліміздің газ-химия саласындағы стратегиялық маңызды жоба Zhaik Petroleum LTD компаниясы бастамасымен жүзеге асырылуда.
Метанол – заманауи химия өнеркәсібінің негізгі шикізат. Ол пластмасса, бояу, дәрі-дәрмек, тұрмыстық және өндірістік химия, сондай-ақ экологиялық таза отын өндіруде кеңінен қолданылады.
Инвестиция көлемі – 78,8 млрд теңге, ал өндірістік қуаттылығы – жылына 130 мың тонна метанол. Кешен толық қуатына 2027 жылы шығарылады. Құрылыс кезеңінде және өндіріс іске қосылғаннан кейін 467 жаңа жұмыс орны ашылады. Жобада заманауи технологиялар қолданылып, отандық газ ресурстары өңделеді.
Салтанатты шараға қатысқан Батыс Қазақстан облысының әкімі Нариман Төреғалиев бұл жобаның аймақ пен ел экономикасы үшін маңыздылығын атап өтті:
«Қазақстан Республикасының Президенті өз Жолдауында өңдеу өнеркәсібіне инвестициялар тарту мен жоғары технологиялық өндірістерді дамыту – мемлекетіміздің басты міндеттерінің бірі екенін атап өтті.
Бүгін қуаттылығы жылына 130 мың тонна метанол өндіретін еліміздегі ең ірі кешеннің құрылысы басталып отыр. Мемлекет бизнесті дамыту үшін барлық жағдай жасап, өндірушілерді қолдаудың түрлі бағдарламаларын жүзеге асырып келеді. Бұл жоба тек ғана Батыс Қазақстан облысы емес, еліміз үшін де маңызды жоба. Осы кешеннің құрылысы басталған соң облысымызда 470-ке жуық жаңа жұмыс орындары ашылады. Зауыттың құрылысы жыл соңында басталып, келесі жылы толық аяқталып, 2027 жылы іске қосылады.» – деді өңір басшысы.
Метанол өндірісін іске қосу Қазақстанның технологиялық тәуелсіздігін арттырып, газ ресурстарын терең өңдеуге мүмкіндік береді. Сонымен қатар бұл жоба өңірдің экономикалық өсімін, жаңа жұмыс орындарын және жергілікті бюджеттің тұрақты түсімдерін қамтамасыз етеді.
БҚО әкімінің баспасөз қызметі
Версия для печатиСоңғы жаңалықтар
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Азаматтардың басым көпшілігі «Заң мен Тәртіп» қағидаты мен «Таза Қазақстан» идеясын қолдайды – сауалнама
Саяси пікірталас күшейді: ҚХП ЖСДП бағдарламасындағы бастамаларды сынға алды
Шағын модульдік реакторлар – Қазақстанның болашақ энергетикасының жаңа бағыты
Хан тоғайындағы 18 гектар аумақты шарпыған өрт толық сөндірілді
