КіруБАТЫР ҚЫЗДЫҢ МЕКТЕБІНЕН 46 ТҮЛЕК ҚАНАТ ҚАҚТЫ
Бүгін еліміздің түкпір-түкпіріндегі мыңдаған мектептің жас түлектері алтын ұясымен қоштасып, үлкен өмірге қадам басатын күн. Көңілдерде қимастық сезімі ұялап, тарыдай болып аттаған табалдырықтан көкке қанат жайған соңғы қоңырау үні қаладағы Ә.Молдағұлова атындағы №38 мектеп-лицейінде де сыңғырлап, 46 түлек алтын ұясымен қоштасты. «Қыран қанатты ұрпақпыз, қияға қанат самғаған!» тақырыбындағы салтанатты рәсім дәстүрге сай, әуелі Қазақстан Республикасының Әнұранын орындаудан басталды. 23 жылда мыңдаған түлектерді қанаттандырған білім ұясындағы сыңғыр қаққан үміттің қоңырауына қала әкімінің орынбасары Бақытжан Нарымбетов ортақтасты.
Мектеп-лицей директоры Шынар Сағынғалиеваның мәлімдеуінше, білім қарашаңырағы ағымдағы оқу жылын сәтті жетістіктермен аяқтап отыр. 14 сыныптағы, яғни 310 оқушының 32-сі оқу озаты, 222 оқушы оқу екпіндісі. Биылғы оқу жылының қорытындысында білім сапасы 81,9 пайызды көрсеткен. 46 түлек жылы ұядан қанат қақса, оның біреуі Алтын белгіге, екеуі Үздік аттестатқа үміткер. Ал 9-сыныптардан бес оқушы Үздік аттестатқа үміткер. Дарынды да талантты шәкірттер мектеп намысын жоғары көтеріп келеді. Білімдері мен біліктерін республикалық пәндік олимпиадада, ғылыми жобалар байқауында дәлелдеп жүр. Қазақ тілі мен әдебиеті пәні бойынша республикалық олимпиадада Жансая Әлиева күміс медаль иеленсе, осы пәндерден Жәлміш Үмбетқалиев республикалық додада үшінші орын алған. Биология пәнінен ғылыми жобаның алтын медаль иегері Назгүл Қажалаева және түрлі олимпиада жүлдегерлері мектеп абыройын асқақтатуда. Оқушылардың білімі мен дарынын дамытқан ұстаздардың да еңбегі өлшеусіз. Осы орайда қазақ тілі мен әдебиеті пәнінің жоғары санатты шебер ұстазы, «Өлкетану» оқулығының авторы, Білім беру ісінің үздігі Гүлжиһан Тасқаринаны ерекше атауға болады. Сондай-ақ Ақмарал Баймулдина, Шынар Қаратаева, Гүлнәр Шуланбаева, Эльмира Бисенғалиева, Нұрсұлу Қиясова, Самал Төлегенова, тағы басқа ұстаздар шәкірттерінің шыңға өрлеуі жолында аянбай тер төгіп келеді. Мектеп облыстық үздік тәрбие жұмысы нәтижесінде бірінші орын алып, жаңашылдығымен таң қалдырған. Оқушылардың үздіктер қатарынан көрінуіне мектеп директоры, облыстық «Табысты менеджер – 2019» атағының иегері Шынар Октябрқызының да еңбегі зор.
Шара барысында қала әкімінің орынбасары Бақытжан Қаберұлы мектеп бітірушілерге жылы лебізін білдіріп: – Бүгін дәстүрлі түрде бәріміз асыға күтетін 25 мамыр – соңғы қоңырау күнімен баршаңызды құттықтаймын. Түлектеріміз үлкен өмірге жол ашқалы тұр. Сіздер шаһардағы іргетасы 19 ғасырда қаланған тарихи ғимаратта орналасқан, бәріміз мақтан тұтатын білім ұясының түлегісіздер. Бұл 1996 жылдан бері қаламызда жұмыс атқарып келе жатқан мектеп. Білім ұясының тағы бір ерекшелігі, Кеңес Одағының батыры Әлия Молдағұлованың атын иеленген. Бұл ғимаратта Жұбан Молдағалиев білім алған. Өмірлеріңізге тек сәттілік тілейміз. Осы мектепте жинақтаған білімдеріңіз, алған тәрбиелеріңіз игіліктеріңізге жарасын. Елбасымыз, Тұңғыш Президентіміз Н.Назарбаев әр Жолдауында әлеуметтік салаға ерекше көңіл бөліп келді. Сондықтан қаладағы 51 мектептегі сапалы біліммен біз мақтанамыз, – деді.
Салтанатты шарада мектептің озат оқушылары марапатталды. Ал ата-аналар қамқорлық кеңесі төрайымының орынбасары Бибігүл Жұмағазиева дарынды оқушыларға ынталандыру сертификаттарын тапсырды. Мектеп бітіруші түлектердің ата-аналары атынан сөз алған Ботагөз Тасименова мектеп ұжымына алғысын білдіріп, түлектерге сәт-сапар тіледі. Мектеп түлегі, түрлі додалардың жеңімпазы Жансая Әлиева дарындылықтың белгісі саналатын ақылды үкіні талантты ізбасары Жәлміш Үмбетқалиевке табыстады. Шараның ең әсерлі сәті түлектердің мектебімен қоштасуы болды. Алтын ұямен қоштасар сәт таяп, кешегі тұлымды ұл ат жалын тартып, азамат болғанын, тұлымшақты қыз бойжеткенін бүгін ғана сезінгендей, көңілдері толқып, жүректері лүпілдеп тұрғанын аңғару қиын емес. 11 жыл бойғы білім таразысынан тек білімдерін ғана емес, сүйікті мектебіне деген сезімдерін де өткеріп тұрды. Анасындай қымбат ұстаздарына бас иіп, армандарын ақ көгершінмен бірге көкке ұшырды, жас түлектер.
Кәусар БАЙҒАЛИЕВА
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу