КіруБАС БУХГАЛТЕР 7 МЛН. ТЕҢГЕНІ ЖЫМҚЫРДЫ
2015-2018 жылдар аралығында Батыс Қазақстан облысы бойынша қылмыстық атқару жүйесінің бес қызметкері сыбайлас жемқорлық қылмыс жасаған. Құқықтық статистика құқық қорғау органдары құрылымы ішінде ішкі істер министрлігінің жемқорлық жиі орын алатын ведомство екенін нақтылап отыр. Осы ретте бүгін Сыбайлас жемқорлыққа қарсы іс-қимыл Ұлттық бюросы БҚО департаментінің басшысы А.Ақмырзаев, ҚР мемлекеттік қызмет істері және сыбайлас жемқорлыққа қарсы іс-қимыл агенттігі БҚО департаментінің басшысы Б.Исақов қылмыстық атқару жүйесі комитетінің облысымыздағы департаменті қызметкерлерімен кездесіп, түсіндіру жұмысын жүргізді.
Ішкі істер органдары қызметкерлеріне қатысты қылмыстар пара алу және лауазымдық өкілеттілігін асыра пайдаланумен байланысты. 2015 жылдан бері облыстық сыбайлас жемқорлыққа қарсы қызмет арқылы 84 қылмыс жасаған ІІМ жүйесінің 51 қызметкері жауапқа тартылған. Әрі жыл сайын жасалған қылмыс та, жауапты тұлғалар да артуда. Ал осы жылдар ішінде қылмыстық атқару жүйесінің 5 қызметкерінің қылмыс жасағаны анықталып отыр.
2015 жылдың маусым айында 684 000 теңге сомасында ақша қаражатын жымқырғаны үшін БҚО бойынша ҚАЖД РУ170/2 мекемесінің бастығы Ғабдушев 5 жылға бас бостандығынан айырылса, арада бір жыл өтпей, 2016 жылдың наурызында ҚАЖД Орал қаласы бойынша пробация қызметінің бастығы Нагметовке 25 мың теңге пара алғаны үшін айыппұл түріндегі жаза берілді.
2017 жылдың наурызында сотталушының шартты түрде мерзімінен бұрын босатылуына ықпал ету үшін 200 мың теңге пара алған БҚО бойынша ҚАЖД РУ 170/2 мекемесінің бастығы орынбасарының міндетін атқарушы Шайхиев пен жедел уәкіл Баязитов 7 жылға сотталды.
Сыбайлас жемқорлыққа қарсы іс-қимыл Ұлттық Бюросы Батыс Қазақстан облысы бойынша департаментінің басшысы Рустам Ақмырзаевтың айтуынша, қазіргі уақытта сотта БҚО ҚАЖ департаментінің бас бухгалтері-қаржылық қамсыздандандыру бөлімінің бастығы Дүйсеғалиеваға қатысты іс қаралуда. Тергеуде анықталғандай, ол 2017-2018 жылдары бухгалтерлік құжаттамаға жалған мәліметтер енгізу арқылы 7 млн.теңге сомасындағы ақша қаражатын жымқырған.
– ҚАЖ департаменті қызметкерлері тарапынан толастамай отырған фактілер қажетті деңгейде профилактикалық шаралардың жүргізілмегенін және басшылық тарапынан әкімшілік бақылаудың болмауын көрсетеді. ҚР «Сыбайлас жемқорлыққа қарсы іс-қимыл туралы» Заңының, ҚР мемлекеттік қызметшілерінің Әдеп кодексі талаптарын орындау жөнінде түсіндіру жұмыстарының жүргізілмеуінен, – дейді Рустам Сапарбекұлы.
Департамент басшысының сөзінше, саладағы қылмыстардың жиі орын алуы кардрлық саясатқа да байланысты. Салдарынан қылмыстық атқару жүйесіне моральдық-іскерлік қасиеті төмен, қылмыс жасауға бейім азаматтар қабылданады. Осы ретте бағынысты қызметкерлердің жасаған сыбайлас жемқорлық қылмысы үшін барлық деңгейдегі басшылардың жеке жауапкершілігі қағидасымен бірыңғай жұмыс жүйесін құру ұсынылған болатын. Ішкі қауіпсіздік қызметі жұмыстарын тек жеке құрам арасындағы қылмысты анықтаумен шектемей, оның туындау себептерін анықтауға бағыттау керек.
Кездесу барысында сөз алғандар қатысушыларды мемлекет пен азаматтарға адал қызмет етуге және ұжымда жемқорлыққа мүлдем төзбеушілікті қалыптастыруға шақырды.
Елмұра АСХАТҚЫЗЫ
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу