Кіру«БАҚЫТТЫ ОТБАСЫНА» ҚҰЖАТ ҚАБЫЛДАУ БАСТАЛДЫ
«Нұрлы жер» бағдарламасы аясындағы «Бақытты отбасы» бағытының екінші кезеңі іске қосылды. Бағдарлама «Қазақстанның тұрғын үй құрылыс жинақ банкі» АҚ арқылы жүзеге асады. Жергілікті атқарушы органда толық емес отбасы, көп балалы отбасы және мүгедек балаларды тәрбиелеп отырған отбасы санаттары бойынша есепте тұрғандар бүгіннен бастап құжаттарын тапсыра алады. Құжат қабылдау 20 наурызда аяқталады.
«Тұрғын үй құрылыс жинақ банкі» БҚО филиалының директоры Аида Ипатованың айтуынша, биыл бюджет тарапынан бөлінетін лимит мөлшері екі есеге ұлғайтылған. Демек, қолжетімді займ осы жылы шамамен 10 мың отбасыға беріледі.
– ҚР Үкімет отырысында «Бақытты отбасы» бағдарламасы бойынша 50 млрд. теңге көлеміндегі алғашқы бюджеттік несиені бөлу жөнінде қаулы қабылданды. 50 млрд. теңге көлеміндегі келесі транш ағымдағы жылдың екінші жартысында беріледі. Осы жарты жылдықта берілетін займ бойынша өңірімізден 205 отбасының баспана алуына мүмкіндік берілмек, – деді Аида Бақытжанқызы.
Бағдарламаға қатысу үшін жергілікті атқарушы орган тарапынан жолдама қажет. Қалалық тұрғын үй коммуналдық шаруашылығы және тұрғын үй инспекциясы бөлімі 12 наурыздан бастап азаматтардың құжаттарын қабылдап, жолдаманы рәсімдейтіндерін жеткізді (мекенжайы: Қ.Аманжолов көшесі, 69/1). Жолдама алған азаматтар «Тұрғын үй жинақ банкіне» барып, табыстары бойынша төлем қабілеттіліктерін есептетулері керек. Оң қорытынды алғандарға үй табуға үш ай мерзім беріледі.
Мамандар атап өткендей, оралдық бағдарлама қатысушылары құны 10 млн. теңгеге дейінгі пәтерлерді таңдай алады. Басты талап – өзінде немесе отбасы мүшелерінің атында үй болмауы тиіс. Бағдарлама аясында жаңадан салынған немесе екінші нарықтағы дайын үйлерді сатып алуға болады. Несие жылына 2 пайыздық мөлшерлемемен 19 жылға беріледі. Алғашқы жарна көлемі – 10 пайыз. Қалалық тұрғын үй коммуналдық шаруашылығы және тұрғын үй инспекциясы бөлімі тұрғын үй жекешелендіру секторының меңгерушісі Ерлан Шайхиевтың айтуынша, жергілікті атқарушы орган тарапынан осы алғашқы жарна үшін 50 пайыздық қайтарымсыз сертификат ұсынылмақ.
Эльмира НҰҒМАНОВА
Бағдарламаға қатысу үшін қажетті құжаттар:
- Жеке куәлік көшірмесі.
2. Неке қию туралы куәлік.
3. Өтініш берген күнге өтініш берушінің және онымен бірге тұратын отбасы мүшелерінің (жұбайының, кәмелеттік жасқа толмаған балаларының) Қазақстан Республикасының аумағында меншік құқығында тұрғын үйінің болмауы (Ф-1 анықтамасы).
4. Некені бұзу сәтінен бастап 3 жылдық мерзімнің өтуі (толық емес отбасылар үшін).
5. Мүгедектікті растайтын құжат.
6. Қазақстан Республикасының «Тұрғын үй қатынастары туралы» Заңына сәйкес тұрғын үйге мұқтаж азаматтың мәртебесі мен тұрғын үйге мұқтаж Қазақстан Республикасының азаматтарын есепке қою санаты көрсетілген ЖАО-ның растауы.
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу