Кіру«БАҚЫТТЫ ОТБАСЫ»: 170 ОРАЛДЫҚ ЖАНҰЯ БАСПАНАЛЫ БОЛАДЫ
Оралдық 170 отбасы «Бақытты отбасы» бағдарламасы аясында үйлі болмақ.
Нақтырақ айтқанда, толық емес отбасы, көп балалы отбасы және мүгедек балаларды тәрбиелеп отырған отбасы санаттары бойынша кезегі келгендердің «Бақытты отбасы» бағдарламасына қатысуына мүмкіндіктері бар.
– Бағдарлама іске қосылған сәуір айынан бастап «Нұрлы жер» бағдарламасы аясында «Бақытты отбасы» бағдарламасына қатысушылардың құжаттары қабылдануда. ҚР «Тұрғын үй қатынастары туралы» Заңына сәйкес тұрғын үй кезегі тәртібімен үш санат бойынша кезегі келгендерге «Тұрғын үй құрылыс жинақ банкіне» жолдама берілуде. Көп балалы отбасы санатындағы 80 жанұя, толық емес отбасы санаты бойынша кезегі келген 45 шаңырақ, мүгедек балаларды тәрбиелеп отырғандар санатынан кезек тәртібімен 45 отбасы бағдарлама бойынша үйлі бола алады. Яғни, бұл есепке 2000-2006 жылдар аралығында кезекке тіркелгендер ғана енуі мүмкін. Кезегі келгендерге хабарласып, олардың құжаттарын жинақтау жұмыстарын жүргізудеміз, – дейді қалалық тұрғын үй коммуналдық шаруашылығы және тұрғын үй инспекциясы бөлімі тұрғын үй жекешелендіру секторының меңгерушісі Ерлан Шайхиев.
«Тұрғын үй құрылыс жинақ банкі» кеңесшілері де қазіргі уақытта қалалық тұрғын үй коммуналдық шаруашылығы және тұрғын үй инспекциясы бөлімі мамандарымен бірге азаматтарға бағдарлама талаптарын түсіндіріп, табыстарына орай төлемдерін есептеуде.
Мамандардың атап өткендей, оралдық бағдарлама қатысушылары құны 10 млн. теңгеге дейінгі пәтерлерді таңдай алады. Басты талап – өзінде немесе отбасы мүшелерінің атында үй болмауы тиіс. Бағдарлама аясында жаңадан салынған немесе екінші нарықтағы дайын үйлерді сатып алуға болады. Ең бастысы үйдің пайдаланылуға берілген мерзімі 50 жылдан аспауы тиіс. Несие жылына 2 пайыздық мөлшерлемемен 19 жылға беріледі. Алғашқы жарна көлемі – 10 пайыз.
Айта кету керек, Орал қаласы бойынша бүгінде 19 500-ден астам азамат тұрғын үй кезегінде тұр. Оның 3500-і толық емес, 800-ден астамы – көпбалалы, 900-ден астамы – мүгедек балалар тәрбиелеп отырған отбасылар.
Эльмира НҰҒМАНОВА
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу