БӨРЛІ АУДАНЫНДА ЖЕКЕ ТҰРҒЫН ҮЙДЕН ӨРТ ШЫҚТЫ
Оқиға 7 қаңтарда болған.
Батыс Қазақстан облысы ТЖД маманы Б. Хайбуллинаның мәліметінше, сағат 14.50-де «ӨС және АҚЖҚ» ММ Күштер мен құралдарды жедел басқару орталығына Бөрлі ауданы Ақсай қаласы Линейная-36 мекенжайында орын алған өрт туралы қоңырау түскен. Бірнеше минуттан кейін №9 өрт сөндірушілері өрт орнына келіп барлау жұмыстарын жүргізу кезінде жеке тұрғын үйдің пластикалық терезесі және жеке заттары мен жиһаздары өртенгенін анықтады.
Өрт жалпы ауданы 18 шаршы метр аумақты шарпыған. Сағат 15.25 өрт ошағы оқшауланып, 16.45-те толығымен жойылды. Өртті сөндіруге жеке құрамның 6 адамы және 1 техникасы жұмылдырылды.
Версия для печати
Пікір үстеу