КіруБҚО ВОЛОНТЕРЛАРЫ 20-МЫҢҒА ЖУЫҚ ОТБАСЫҒА КӨМЕК КӨРСЕТТІ
Бүгін, 22 желтоқсан күні өңірлік коммуникациялар қызметі ұйымдастырған брифингте БҚО жастар саясаты мәселелері басқармасы басшысының м.а. Нұрхат Ораш 2020 жылы өңірде жастар саясаты саласында жасалған жұмыстар, соның ішінде «Волонтер жылының» қорытындысы туралы мәлім етті.
– Облыста 60-қа жуық ұйымға біріктірілген 10 мыңнан астам волонтер бар. Биыл волонтерлар мен волонтерлік ұйымдарды біріктіру мақсатында 15 бағыттан («Медицина», «Экология», «Әлеуметтік», «Медиа», «Оқиғалы», «Жануарлармен», «ТЖ волонтерлік», «Мәдени», «Донорлық», «Спорттық», «PRO BONO және зияткерлік волонтерлік», «Корпоротивтік», «Виртуальді» және «Этно волонтерлік») тұратын volunteer07.kz ақпараттық сайтты жұмысқа қосылды. Волонтерлардың күшімен облыс бойынша барлығы 19 412 отбасыға азық-түлік, дәрі-дәрмек және басқа да түрде адрестік көмек көрсетілді, – деді Нұрхат Ораш.
Волонтерлер 12694 отбасыға (6952 қала бойынша, 5742 аудандарда) тегін азық-түлік апарып берсе, 3693 отбасыға тұрғындардың өз қаражаттары есебінен азық-түлік жеткізген. 478 отбасыға дәрі-дәрмек жеткізуге, 1047 отбасыға үй жұмыстарына, 168 отбасыға төтенше жағдай кезінде 42500 әлеуметтік жәрдемақыға өтінім беруге, 1332 отбасыға 16,62м3 (16 620 литр) демеушілердің көмегімен ауыз су жеткізуге көмек көрсетті.
Қоғамдық қауіпсіздікті қамтамасыз ету мақсатында құқық қорғау органдарымен бірлесіп, волонтерлар барлығы 1206 рейд жасады. Волонтерлардың күшімен 350 мың масканы тегін таратты. Оның ішінде 80 мың масканы қолдан тіксе, 270 мың маска демеушілерден берілген.
Жастар саясаты мәселелері басқармасының өкілі волонтерлік жобалар биылғы жылмен аяқталмай келер жылы да жалғасын табатынын атап өтті.
Елмұра АСХАТҚЫЗЫ,
zhaikuni.kz
Версия для печатиСоңғы жаңалықтар
«Су тасқынынан зардап шеккендерге өтемақы төлеуде жеделдік қажет»
Батысқазақстандық полиция қызметкерлеріне гуманитарлық көмек жіберілді
Пікір үстеу