КіруБҚО ЭНЕРГЕТИКА ЖӘНЕ ТҰРҒЫН ҮЙ-КОММУНАЛДЫҚ ШАРУАШЫЛЫҚ БАСҚАРМАСЫНЫҢ БАСШЫСЫ ТАҒАЙЫНДАЛДЫ
Конкурстық комиссияның шешіміне сәйкес Батыс Қазақстан облысының энергетика және тұрғын үй – коммуналдық шаруашылық басқармасының басшысы лауазымына Ғабидуллин Асқар Маратұлы тағайындалды. Бұл туралы БҚО әкімдігінің баспасөз қызметі хабарлады.
Ғабидуллин Асқар Маратұлы – 1976 жылы туған. Білімі – жоғары. Батыс Қазақстан аграрлық университетін және Қазақ-Орыс Халықаралық университетін «АӨК саласындағы экономика және басқару», «құқықтану» мамандықтары бойынша тәмамдаған.
Әр жылдары:
– Ақтөбе қаласының аумақтық мемлекеттік мүлік және жекешелендіру комитетінің, Акционерлік қоғамдар және серіктестіктер бөлімінің аға маманы;
– «Ақтөбе Агро» ЖШС, маркетинг бөлімінің менеджері;
– «Рамазан» ЖШС, коммерциялық бөлімінің менеджері;
– «Спецавтотранспорт» мемлекеттік-коммуналдық АҚ бас инженері;
– Ақтөбе қаласының «Жер қатынастары бөлімі» ММ басшысының орынбасары;
– Ақтөбе қаласының «Тұрғын үй-коммуналдық шаруашылығы, жолаушылар көлігі және автомобиль жолдары бөлімі» ММ басшысының орынбасары;
– Ақтөбе қаласының «Тұрғын үй-коммуналдық шаруашылығы, жолаушылар көлігі және автомобиль жолдары бөлімі» ММ басшысы;
– Ақтөбе қаласы әкімінің орынбасары;
– Ақтөбе облысы бойынша ТЖ жою мен жұмылдыру дайындығы басқармасының бастығы болып қызмет етті.
2017 жылдан бастап ҚР Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитеті жанындағы «ҚазҚСҒЗИ» АҚ–ның филиалы (Нұр-Сұлтан қаласы) директоры қызметін атқарды.
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Пікір үстеу