КіруБҚО-ДА ЖЕДЕЛ ЖӘРДЕМГЕ ЖҮГІНУШІЛЕР 7,7 ЕСЕГЕ АРТТЫ
БҚО бойынша коронавирус жұқпасының 1431 жағдайы тіркелді. Қазіргі уақытта инфекциялық стационарда 512 науқас стационарлық ем алуда. Олардың 13-і бала, 13-і жүкті әйел. Ем алып атқандардың жағдайы туралы бүгін өңірлік коммуникациялар қызметі ұйымдастырған брифингте БҚО денсаулық сақтау басқармасының басшысы Болатбек Қаюпов баяндады.
Пациенттердің 19-ында ауру жеңіл деңгейде болса, 435 науқастың ауруы ауырлығы орташа деңгейде, 58 науқастың жағдайы ауыр. Ем алып жатқандардың 349-ынан пневмония анықталған, тоғызы – бала. 14 науқас өкпені жасанды желдету аппаратына қосылған. Барлығы ересектер. Емдеу диагностика және емдеу хаттамасына сәйкес жүргізілуде.
Қосымша көпбейінді қалалық аурухана базасынан 389 инфекциялық кереует, Ақжайық аудандық ауруханасында 30, Бөрлі аудандық ауруханасында 30, Бәйтерек ауданында 6 кереует дайындалған. Екі күндік демалыста 86 науқас стационарларға жеткізілді. Облыстың бас дәрігерінің сөзінше, бүгінде жедел медициналық жәрдемге жүгінушілер 7,7 есеге артқан. Мәселен, демалыс күні жедел жәрдемге 1000-нан аса шақырту түскен.
Бүгінде коронавирус инфекциясынан 893 адам жазылып шықты, 7 өлім жағдайы тіркелді.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу