КіруБҚО-да жаңа жол айрығы пайдалануға берілді
Батыс Қазақстан облысында республикалық маңызы бар инфрақұрылымдық нысан – «Ақтөбе-Орал-РФ шекарасы» автожолының 265-шақырымында, Подстепное ауылы тұсында салынған екі деңгейлі жол айрығы пайдалануға берілді.
Ашылу рәсіміне облыс әкімі Нариман Төреғалиев, «ҚазАвтоЖол» ҰК» АҚ басқарма төрағасы Дархан Иманашев және компания қызметкерлері, мердігер ұйым өкілдері мен жергілікті тұрғындар қатысты.
“Мемлекет басшысы өзінің халыққа Жолдауларында еліміздің көлік-логистика саласын жаңғыртуды айрықша атап өтіп, бұл бағытты ұлттық экономиканы күшейтудің негізгі тетіктерінің бірі ретінде көрсетті. Бүгін іске қосылып отырған екі деңгейлі жол айрығы – жол қозғалысын қауіпсіз әрі үздіксіз қамтамасыз етуге арналған заманауи инженерлік шешім. Жаңа жол торабы көлік ағынын реттеп, қозғалысты айтарлықтай жеңілдетеді. Бұл – облыстың өзге өңірлермен және Ресей Федерациясымен көлік байланысын жақсартып, экономикалық ықпалдастықты тереңдетуге зор серпін беретін маңызды қадам”, – деді өңір басшысы Нариман Төреғалиев.
«ҚазАвтоЖол» ұлттық компаниясының басқарма төрағасы Дархан Иманашев атқарылған жұмыстардың салалық жаңғыртудағы жүйелі маңызын атап өтті:
«Бүгін ашылған учаскелер өңірдің көлік қолжетімділігін түбегейлі өзгертеді. Әрбір жаңа шақырым – экономиканың, шағын және орта бизнестің, туризмнің дамуына, халықтың өмір сапасының артуына ашылған жаңа мүмкіндік. Сонымен бірге біз биыл қайта жаңғырту жұмыстары басталған “Сырым” өткізу пунктін толықтай жаңартып, оны халықаралық деңгейдегі заманауи логистикалық орталыққа айналдыруды бастады».
Аталған жол торабы – «Подстепное-Федоровка-Ресей Федерациясы шекарасы» бағыты бойынша жүргізіліп жатқан ірі қайта жаңғырту жұмыстарының маңызды бөлігі. Жобаның жалпы ұзындығы – 144 шақырым. Бүгінгі таңда 72 шақырым жол толық жөнделіп, көлік қозғалысы ашылды. Бұл жұмыстарды «ҚазАвтоЖол» АҚ жүзеге асырды.
Қалған 72 шақырымда қайта жаңғырту жұмыстары КПО b.v. компаниясының қолдауымен жүргізіліп жатыр. Жоба толықтай 2026 жылы аяқталады деп жоспарлануда.
2025 жылы өңірде республикалық маңызы бар автомобиль жолдарының 260 шақырым жолдарда негізгі жұмыстар толық аяқталды. Оның ішінде «Подстепное – Федоровка» автожолының 72 шақырымын қайта жаңарту, «Өнеге – Бисен – Сайқын» бағытының 103 шақырымын күрделі жөндеу, сондай-ақ Хан Ордасы ауылына кіреберіс жолының 21 шақырымы мен Ақтөбе – Орал автожолының 64 шақырымдық жолға орташа жөндеу жүргізілді.
Версия для печатиСоңғы жаңалықтар
Барлық деңгейдегі мәслихат депутаттарының сайлауы 29 қарашаға белгіленді
Новый исследовательский реактор: инвестиция в технологии, кадры и будущее атомной науки
Мемлекет басшысы Бельгиялықтар Королімен және Патшайымымен бірге Ұлттық балаларды оңалту орталығына барды
Как Казахстан защищает радиоактивные материалы от диверсий и хищений!
Мемлекет басшысы барлық деңгейдегі мәслихаттардың өкілеттігін мерзімінен бұрын тоқтату туралы Жарлыққа қол қойды
Жаңа Конституция Қазақстанның сот жүйесі тәуелсіздігін нығайтуға бағытталған
14 жасында әлемдік әдебиет сахнасында: ағайынды Айтқалиевтер Франкфуртта өз кітаптарын таныстырды
Әуежай залында Қазақстан Президенті құрметті қонақтармен аз-кем әңгімелесті
Мемлекет басшысы Бельгиялықтар Королі Филипп пен Патшайым Матильданы қарсы алды
Ерлан Кошанов: наша задача – вовремя слышать и чувствовать настроения людей
Орал қаласында Даму және шығармашылық орталығының құрылысы басталады
Мемлекет басшысы Қасым-Жомарт Тоқаев жұмыс сапарымен Түрікменстанға барды
Зачаган кентіндегі Науша батыр және Бопай ханым көшелерінде жол жөндеу жұмыстары басталды
Бөрлі аудандық ауруханасын жаңғырту жобасының дайындығы 90%-ға жетті
The World Financial Review: как Казахстан изменил экономическую модель за семь лет президентства Токаева
