КіруБҚО-ДАҒЫ МАХАМБЕТ УНИВЕРСИТЕТІ ВАКЦИНА АЛҒАНДАР АРАСЫНДА ҰТЫС ЖАРИЯЛАДЫ
М.Өтемісов атындағы БҚУ ректораты оқытушылардың, қызметкерлердің, магистранттардың, студенттердің ұжымын ынталандыру мақсатында 2021 жылдың 1 шілдесі мен 31 тамызы аралығында «Мен өмірді таңдаймын!» атты акциясын өткізеді. Акцияға 2021 жылдың 1 шілдесінен бастап коронавирусқа қарсы екпе алған тұлғалар қатысады.
Бүгінде университеттің профессорлық – оқытушылық ұжымы, университет қызметкерлері Сovid – 19-ға қарсы вакцинациялау бағдарламасын жүзеге асыруға белсенді қатысуда. Оқу орны ректорының көмекшісі Төрехан Дүйсенбаевтың мәлімдеуінше, акцияны ұйымдастырудағы мақсат – ұжымдық иммунитетті қалыптастыру және 2021-2022 оқу жылында дәстүрлі оқыту форматына көшуді қамтамасыз ету, қызметкерлер мен профессорлық – оқытушылық ұжым мен білім алушыларды Сovid – 19-ға қарсы вакцина алуға белсендіру.
– Акция оқытушылар мен білім алушылар ұжымының белсенділігін арттыруға мүмкіндік береді. Екпе алғандар ұтыс ойынына қатысады және жеңімпаз атанғандарға сыйлықтар, жеңілдіткер ұсынылады, – деді оқу орнының өкілі.
Атап айтқанда, 120 магистрант пен студентке оқу ақысына 5 пайыздық жеңілдік беріледі.
Сонымен қатар сыйлықтар қатарында Нұр-Сұлтан қаласына – 25 туристік жолдама, Түркістан қаласындағы Қожа Ахмет Яссауи, Арстан Баб кесенесіне, Отырар қалашығына, Керуен сарайына – 20 туристік жолдама, «Мобилография» курсын оқуға – 10 сертификат, Фитнес – орталыққа – бір айлық 10 абонементтік сертификат бар. 50 қатысушы 15 000 теңге көлемінде сыйақымен марапатталады.
Акцияға қатысушы 50 оқытушы мен қызметкер 30 000 теңге көлеміндегі сыйақымен марапатталады және 4 адамға «Ақжайық» сауықтыру шипажайына 100 пайыз төлеммен жолдама беріледі.
Ұтысқа ұміткер болу үшін акцияға қатысушы e-mail-ге өзі қатысқысы келетін ұтыс түрін көрсете отырып, вакцинация туралы паспорттың электрондық нұсқасын жіберуі қажет. Оқытушылар мен қызметкерлер zapkazgu@mail.ru электронды пошта мекенжайына, магистранттар мен студенттер k.abylai_95@mail.ru электронды пошта мекенжайына жіберуі тиіс.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу