БҚО-ДА ӨТКЕН ТӘУЛІКТЕ 41 АДАМНАН КОРОНАВИРУСТЫҚ ИНФЕКЦИЯ АНЫҚТАЛДЫ

Бүгін, 15 қаңтар күні өңірлік коммуникациялар қызметі ұйымдастырған брифингте БҚО санитариялық-эпидемиологиялық бақылау департаменті басшысының орынбасары Нұрлыбек Мұстаев облыстағы COVID-19 коронавирустық инфекциясы бойынша эпидемиологиялық жағдай туралы айтып берді.

БҚО-да коронавирустық инфекция пандемиясының басталуынан бері барлығы 9793 жағдай тіркелді. 1-14 қаңтар аралығында COVID-19 инфекциясын 572 адам жұқтырған. Олардың 344-інде белгілері бар және 228-інде белгілерінсіз.

– Аталған жағдайлар ЖРВИ симптомдары бар науқастарды тексеру кезінде эпидемиологиялық көрсеткіштерімен 47.0 пайызында (269 жағдай) анықталды, байланыста болған адамдарда инфекция ошақтарын тексеру кезінде 27,3 пайызында (156 жағдай), кәсіби мақсатта тексерілгендер арасында 21 пайызында (123 жағдай), стационарларға емдеуге жатқызу алдында эпидемиологиялық қадағалау мақсатында тексерілгендердің 4,2 пайызында (24 жағдай) анықталды. Байланыста болған 880 адам тексеріліп, медициналық бақылауға алынды, – деді Нұрлыбек Ермекұлы.

Соңғы тәулікте covid-19 жұқтырған 41 жаңа жағдай тіркелді. Олардың ішінде 27 жағдайда – белгілері бар және 14-і асимптоматикалық. Бұл жағдайлар эпидемиологиялық көрсеткіштер бойынша ЖРВИ белгілерімен 53,6 пайызында (22 жағдай) анықталды, инфекция ошақтарын тексеру кезінде жанасушыларда – 29,2 пайызында (12 жағдай), алдын алу мақсатында – 17,0 пайызында (7 жағдай) анықталды.

1-ші қаңтардан бастап облыс бойынша барлығы 24 645 ПТР зерттеу жүргізілді, орташа есеппен тәулігіне 3400-ге дейін зерттеу жүргізіледі. Зертханалардың қуаттылығы тәулігіне 6000 зерттеуге дейін жетеді.

zhaikuni.kz

Версия для печати