КіруБҚО-ДА ТҮЛЕКТЕРДІҢ 70 ПАЙЫЗДАН АСТАМЫ ШТАТТЫҚ РЕЖИМДЕ ОҚУҒА ӨТІНІШ БЕРДІ
2021 жылдың 11 қаңтарында оқу жылының ІІІ тоқсаны басталады. Осы тоқсаннан бастап жалпы білім беретін мектептер 3 формат бойынша оқуды ұйымдастырады. Олар – штаттық, қашықтан, аралас форматта.
БҚО білім басқармасы мәлім еткендей, қазіргі уақытта облыс бойынша 379 күндізгі жалпы білім беретін мемлекеттік мектеп жұмыс жасайды. Облыста эпидемиологиялық жағдайы тұрақты 300 адамға дейінгі шалғай ауылдық елдімекендердегі жалпы 256 мектептерінде 23645 оқушы штаттық режимде, 122 мектепте аралас режимде 87471 оқушы, 1 мектепте 12 оқушы қашықтан оқиды.
Ведомствоаралық комиссияның шешімі бойынша III тоқсаннан бастап 5, 9 және 11 (12) сынып оқушылары аралас форматта оқу жұмысын ұйымдастырады. Бұл сыныптарда математика, қазақ тілі, орыс тілі, шет тілі, физика, химия, биология, алгебра, геометрия және тарих пәндері мектепте оқытылады. Яғни, барлық пәннің 70 пайызы штаттық форматта өтеді. Мектептерде икемді сабақ кестелері жасалып, сабақтар арасындағы үзілістер әр түрлі сыныптар үшін әр түрлі уақытта ұйымдастырылады, сондай-ақ әлеуметтік қашықтықты сақтау үшін ауысымдар саны көбейтіліп, пәндердің 30 пайызы қашықтан оқытылады.
– Биылғы жылы 9 сыныпты 8 679, 11 сыныпты биылғы жылы 5733 түлек аяқтайды деп жоспарлануда. Қазіргі уақытта өңірдегі 379 мектептің 256-сы штаттық режимде оқуда. 122 мектеп 87 471 оқушымен аралас форматта оқытуда. ІІІ тоқсан бойынша оқуды бастау жұмыс жоспары анықталды. Яғни, ата-аналардың өтініштері негізінде мектептер өз сабақ кестелерін жасақтауда. 1-4 сыныптар бұған дейінгі форматта, яғни мектепке барып оқуды жалғастыра береді. 9, 11 сыныптар бойынша, қазіргі уақытта 9 сыныптар бойынша 8679 бітіруші болса, олардың 6698 оқушының ата-анасы штаттық режимде оқытуға өтініш берді. Ал 11 сынып бойынша 5733 оқушының 4316-сы өтініш берді, – деді бүгінгі «Халық үніне құлақ асатын мемлекет» тұжырымдамасы негізінде BQO BILIM News парақшасында онлайн қабылдау өткізген БҚО білім басқармасы басшысы Айгүл Мыңбаева.
Сонымен қатар бітіру сыныптары түлектерін оқу жылының соңында қорытынды аттестаттау, олардың колледждерге түсу үшін кешенді емтихандар мен жоғары оқу орындарына түсу үшін ҰБТ тапсыратыны ескере отырып дайындық жұмыстары жүргізілуде.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу