КіруБҚО-ДА КИІКТЕРГЕ ЗАҢСЫЗ АҢШЫЛЫҚ ЖАСАҒАНДАР СОТТАЛДЫ
Соңғы екі жыл ішінде Батыс Қазақстан облысында киіктерге заңсыз аңшылық жасап, олардың дериваттарымен айналысқаны үшін 88 тұлға сотталған. Бұл туралы өңірлік коммуникациялар қызметінің баспасөз алаңында өткен брифингте облыс прокурорлары мәлім етті.
Сотталушылардың жетеуі бас бостандығынан айырылса, 79 тұлғаның бас бостандығы шектеліп, 2 адамға айыппұл салынған. облыс прокурорының аға көмекшісі Бауыржан Ахметжанның мәліметінше, браконьерлерден киіктің 616 төшкесі мен 955 мүйізі алынып, 25 мылтық, 1 205 оқ-дәрі, 18 пышақ пен 19 қолара жойылған. Мемлекет пайдасына 14 автокөлік, 3 қаршана мен 1 квадроцикл тәркіленді. Мемлекетке барлығы 1,1 млрд. теңге залал келтіріліп, сот орындаушылармен 12 млн. теңге өндірілген.
Прокурорлық қадағалау актілерінің негізінде сот орындаушылары 13 автокөлікке және 15 жылжымайтын мүлікке тыйым салды, сондай-ақ тиісті мәжбүрлеп өндіру шаралары қабылданды. Бүгінде прокуратураның нұсқауымен Әділет департаменті «Атқарушылық өндіріс және сот орындаушылардың мәртебесі туралы» Заңының 55-бабына сәйкес тыйым салынған мүлікті бағалау және сату шараларын қабылдауда. Ауыл шаруашылығы министрінің бұйрығыныа сәйкес, бір бас киіктің құны 3,7 млн. теңгеге бағаланатыны хабарлаған болатын.
Киікті заңсыз аулағандар мен олардың дериваттарымен заңсыз айналысқандар үшін Қылмыстық кодекстің 337 және 339-баптарымен қылмыстық жауапкершілік және жеті жылға дейін бас бостандығын айыру жазасы көрсетілген.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу