КіруБҚО-ДА ҰБТ БОЙЫНША ЕҢ ЖОҒАРҒЫ БАЛЛ – 137
Биыл Батыс Қазақстан облысындағы орта мектептерден 5 032 түлек түлеп ұшты. Олардың 3 892-сі Ұлттық бірыңғай тестілеу тапсыруға ниет білдірген. Бұл бітірушілердің 77,3 пайызы.
Ұлттық бірыңғай тестілеу – түлектер үшін жаңа өмірге жолдама. Сондықтан мектеп бітіріп, қолына аттестатын алған әрбір жас өз таңдауына қол жеткізуі үшін бар қарым-қабілетін көрсетіп, сыннан сүрінбей өтуге тырысады. Еліміз бойынша ҰБТ 20 маусымнан басталды. Біздің өңірдегі ҰБТ пункттері 21 маусымнан бастап жұмыс жасады. 24 және 26 маусым күндері облыс орталығындағы қос бірдей іргелі оқу орнындағы тестілеу пунктінде екі мыңнан аса жас білімдерін таразыға салды.
25 маусымдағы мәлімет бойынша ҰБТ-дан облысымызда жоғары ұпайды еншілеген Асқар Сайын. Ол Теректі аудандық лингвистикалық гимназиясының түлегі. «Алтын белгі» иегері 140 ұпайдың 137-сін жинаған. Математика мен географиядан толық 40 ұпайдан, тарихтан – толық 20 ұпайды алған Асқар оқу сауаттылығынан – 19, математика сауаттылығынан – 18 балл жинаған екен.
Версия для печатиСоңғы жаңалықтар
«Су тасқынынан зардап шеккендерге өтемақы төлеуде жеделдік қажет»
Батысқазақстандық полиция қызметкерлеріне гуманитарлық көмек жіберілді
Пікір үстеу