КіруБҚО-ДА БІР ТӘУЛІКТЕ АЛТЫ АДАМНЫҢ КОРОНАВИРУС ЖҰҚТЫРҒАНЫ АНЫҚТАЛДЫ
Бүгінгі, 15 сәуір күнгі мәлімет бойынша Батыс Қазақстан облысында коронавирус инфекциясын жұқтырған тағы 6 адам анықталды.
Оның төртеуі Батыс Қазақстан облысының, екеуі Ақтөбе облысының тұрғыны.
БҚО бас мемлекеттік санитар-дәрігері Мұхамғали Арыспаевтың мәліметінше, бірінші жағдайда науқас 8 сәуір күні Ресей Федерациясынан келген. Ресей Федерациясымен шекарадағы «Тасқала» бекетінде СКП қызметкерлері сауалнама толтыру, байланыссыз термометриямен тексеру кезінде ешқандай шағымы болған жоқ. Келген сәттен бастап үй карантинінде, қоңырау шалу арқылы медицина қызметкерінің бақылауында болған. 2020 жылдың 13 сәуірінде дене қызуының жоғарылауына байланысты жедел жәрдем көмегіне жүгінген. Екінші пациент бірінші науқаспен бірге тұруы, сондай-ақ дене қызуының көтерілуі себепті, жақын байланыс ретінде тіркелді. Яғни, екеуі бір үйдің тұрғындары.
Соңғы 4 жағдай бойынша анықталған науқастар – Ресей Федерациясының Мәскеу қаласында вахталық әдіспен жұмыс істейтін азаматтар. 13 сәуір күні Ресей Федерациясымен шекарадағы «Тасқала» бекетінде СКП қызметкерлерімен сауалнама толтырылып, байланыссыз термометриямен тексерілген. Шағымдары болмаған. Бас мемлекеттік санитарлық дәрігердің 09.04.2020 жылғы №32 қаулысына сәйкес, COVID-19 зертханалық тексеру үшін жедел жәрдем көлігі шақыртылып, карантиндік стационарға жатқызылды. Лабороториялық зерттеу үшін сынама алынған.
Алты азаматтың да ПТР диагностикалық зерттеу қорытындысы бүгін шығып, 6 пациенттен де COVID-19 диагнозы нақтыланды. Қазіргі уақытта пациенттер инфекциялық стационарға жатқызылды.
Науқастармен қарым-қатынаста болған адамдар анықталуда. Ауру ошақтарында дезинфекциялық жұмыстар жүргізілді. Эпидемияға қарсы іс-шаралар жалғасуда.
Бүгінгі күнгі жалпы жағдай бойынша облысымызда COVID-19 коронавирус инфекциясын жұқтырғандардың саны 18 адамға жетті. Олардың біреуі аурудан сауығуына байланысты үйге шығарылған. 17 науқас емханада ем алуда.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу